Kuvend letrash me miqtë, Mustafa Merlika-Kruja, vol. 3

Titulli: Kuvend letrash me miqtë, vëllimi i tretë
Origjinali: Kuvend letrash me miqtë, vëllimi i tretë
Gjinia: Letërkëmbim
Autori: Mustafa Merlika – Kruja
Shtëpia botuese: Omsca – 1
Viti: 2013
Fq. 504
Pesha: 0.557 kg.
ISBN: 978-9928-132-32-1

Mbi librin

Në këtë vëllim janë paraqitur të gjitha letërkëmbimet e Mustafa Merlika – Krujës me familjen mbreërore të Ahmet Zogut, Eqrem Bej Vlorën, Dhimitër Beratin, Baba Rexhepin, Abaz Kupin, Tahir Kolgjinin, Tahir Zajmin, Fan Nolin, Kolë Bibë Mirakajn, Ago Agajn dhe Ismail Goranin.

Fragment nga libri

"Shkëlqesi, morëm vesh se keni festue 70 vjetorin e lindjes suej. Mbrei dhe unë ju dërgojnë urimet ma të mira për shëndet të plotë që të mund të vazhdoni të punoni ma së miri për Atdheun. Asht e randë kur festohen ditlindjet tue i ba ballë nji realiteti t'ashpër të gjatësisë së mërgimit tonë e të ndamjes së pafund prej të dashurve tonë qi nuk i shohim. Por, faleminderit Zotit, Zoti i Madh na jep gjithmonë mbështetjen e moralit e të shpirtit njerëzor: Shpresën! Mbreti mbetet gjithmonë optimist, Zoti plotësoftë dëshirat! Me mendimet tona më të mira dhe urimet tona më të ngrohta."

Geraldine (25 nëndor 1957)

"Me gjith këtë, besomni, nuk kalon ditë pa ju përmendur; jo vetëm për kujtimet e përbashkët që na lidhin, por edhe për çmimin e lart që u japim."

Ekrem Bej Vlora (9 korrik 1953)

"Na ndajnë shumë gjëra e, njëkohësisht të gjitha na bashkojnë. Na ndan temperamenti e na bashkon ideali; na ndajnë, ndofta, pikëpamje politike e kulturore, e na bashkon dashurija për fatin e atdheut, për mirqënien e popullit, për tokën e për malet tona. 28 Nëndorin je i vetmi që e përfaqëson në Botën e re, për sa di unë. E përfaqësosfsh me faqe të bardhë, e për shumë vjet gëzuar, por sa më parë n'atdhe, se vetëm atje ndjehet gëzimi i 28 Nëndorit."

Dhimitër Berati (18 nëndor 1956)

"Mbas dekës të të pashoqit Luigj Gurakuqi, të kam pasë cilsue depozitarin e idealeve të tija, e si të tillë të kam ndjekë. Fataliteti i historisë, që rrethanat ndërkombëtare suellën, nuk të lanë mundësinë, me bâ aq sa e di qi zemra të ka dishrue për të mirën e Kombit..."

Kolë Bib Mirakaj (30 mars 1958)

"Prandaj un q'i njof mjaft për s'afërmi njerëzit dhe ngjarjet e ktyne tridhet vjetve të fundit do të dishrojshem shum me ditë se kush asht aj burrë shqiptar, ndër të gjallët, që mundet m'u mratë me juve në vuajtje, në përpjekje dhe në sakrifica për atë copë tokë të shkretë që na e quejmë atdhe."

Tahir Zajmi (7 mars 1952)