Enigmat e sundimit të Enver Hoxhës 1944 – 1961, vëllimi i dytë, Kastriot Myftaraj

Titulli: Enigmat e sundimit të Enver Hoxhës 1944 – 1961, vëllimi i dytë
Origjinali: Enigmat e sundimit të Enver Hoxhës 1944 – 1961, vëllimi i dytë
Gjinia: Histori
Autori: Kastriot Myftaraj
Shtëpia botuese: Plejad
Viti: 2009
Fq. 512
Pesha: 0.74 kg
ISBN: 978-99956-57-10-9

Mbi librin

Kush dhe pse e vrau Nako Spiron? Pse Enver Hoxha donte të ndahej nga Nexhmija në vitin 1947, dhe si përfundoi kjo histori me vdekjen e të përzgjedhurës për të zënë vendin e saj? Pse kur Tito e braktisi Shqipërinë në vitin 1948, Enver Hoxha nuk donte ta braktiste Jugosllavinë?

Pse u takuan, në verën e vitit 1948 prokurori i famshëm i gjyqeve – spektakël stalinian, Vishinski, dhe Enver Hoxha, në pallatin mbretëror rumun në Bukuresht, dhe përse në rezolutat e Byrosë Informative një vit më pas nuk përmendej gjyqi i Koçi Xoxes, i pari gjyq – spektakël ndaj titoistëve në Europën Lindore? Pse Stalini, edhe pas prishjes me Titon, nuk pranoi ta njihte zyrtarisht Enver Hoxhën për partner ideologjik?

Nëse historianët ende pyesin se ku ishte Stalini në 10 ditët e para të luftës në 1941, edhe më e madhe është enigma se ku ishte Enver Hoxha nga 2 gushti deri në 15 gusht 1949, kur ushtria greke sulmoi në stil të gjerë Shqipërinë, çka u perceptua si pushtim i vendit. E ngjashme është edhe enigma se ku gjedej Enver Hoxha mes 25 qershorit dhe 5 korrikut 1950, kur filloi Lufta e Koresë dhe Shqipëria ngjante si trofe e destinuar e Perëndimit në Europë, derisa vendi i vogël nuk kishte një aleancë formale mbrojtjeje me Bashkimin Sovjetik. Kush qëndronte pas shpërthimit tek Legata Sovjetike në prill 1951? Pse Enver Hoxha në kohën e konferencës së partisë në prill 1956, iku nga Tirana me "pushime" në një periudhë të pazakonshme të vitit, dhe si u rikthye?