Titulli: Ikje nga Bizanti
Origjinali: Ikje nga Bizanti
Gjinia: Histori
Autori: Pëllumb Xhufi
Shtëpia botuese: Dituria
Viti: 2009
Fq. 296
Pesha: 0.362 kg.
ISBN: 978-99943-46-77-6
Mbi librin
Titulli i këtij vëllimi shënon një moment të karrierës së vetë autorit, Pëllumb Xhufit, në vitin 2009, kohë kur ai shkëputet nga politika: ikja nga Bizanti është si të thuash ikje nga politika. Ky vëllim përfshin vetëm shkrime të zgjedhura të autorit, të botuara në shtypin e shkruar. Ai fillon me një artikull, që u shkrua “si për inat” në përgjigje të një shkrimi provokativ të botuar në një nga të përditshmet, ku autori rrekej të provonte origjinën “arumune” të Nënë Terezës. Pavarësisht të gjithave, kjo nuk do të thotë aspak se ky vëllim është një arsenal “lënde reaktive”. Aty gjen trajtim “të qetë” të temave aktuale, por edhe analiza e retrospektiva historike, të cilat të vendosura përballë njëra-tjetrës tregojnë se sa pak kanë ndryshuar gjërat nën qiellin tonë, edhe pas njëqind vjetësh të ekzistencës së shtetit shqiptar.
Mbi autorin
Prof. Dr. Pëllumb Xhufi ka kryer studimet e larta në Fakultetin e Letrave e të Filozofisë të Universitetit La Sapienza, Romë. Formimi i tij në vitet e shkollës së mesme e të lartë u orientua drejt përvetësimit të gjuhëve klasike dhe specializimit në Historinë e Mesjetës dhe në atë të Bizantit.
Autori ka kryer specializime të gjata pasuniversitare në Gjermani, Greqi e Austri. Ka punuar për shumë vite si studiues në Institutin e Historisë të Akademisë së Shkencave, nën drejtimin shkencor të Prof. Aleks Budës. Në vitet 1997 – 2004 shërbeu në diplomaci e më tej u angazhua në politikë. Ndër botimet e fundit shkencore të tij janë: "Historia e Shqipërisë, shek. IV – XIV" (2002), "Gli Statuti di Scutari" (2002), "Dilemat e Arbërit" (2006), "Nga Paleologët te Muzakajt" (2009).