Interpretimi i ëndrrave, Sigmund Freud

Titulli: Interpretimi i ëndrrave
Origjinali: Die Traumdeutung
Gjinia: Psikologji
Autori: Sigmund Freud
Shqipëroi: Ergys Petriti
Shtëpia botuese: Plejad
Viti: 2015
Fq. 572
Pesha: 0.578 kg.
ISBN: 978-99927-963-8-9

Koment nga autori

Në këtë vëllim jam përpjekur të bëj një paraqitje të interpretimit të ëndrrave dhe me këtë nuk e kam kapëcyer, besoj, sferën e interesit që mbulon neuropatologjia. Sepse kërkimi psikologjik tregon se ëndrra është formacioni i parë i një grupi fenomenesh anormale psikike, formacionet e tjera të të cilit, të tilla si fobitë histerike, fiksimet dhe deliret, janë ato që për arsye praktike i interesojnë kryesisht mjekut.

Siç do të shihet në vijim, ëndrrat nuk mund të pretendojnë po kaq rëndësi praktike; por vlera e tyre teorike si paradigmë, nga ana tjetër, është përpjestueshmërisht më e madhe. Çdokush që ka dështuar të shpjegojë origjinën e imazheve onirike, zor se mund të shpresojë të kuptojë fobitë, fiksimet dhe deliret apo të ndërhyjë mbi to në mënyrë terapeutike.

Por e njëjta bashkëlidhje që është përgjegjëse për rëndësinë e subjektit, duhet fajësuar edhe për mangësitë e punimit të tanishëm. Pikëthyerjet ku ndërpritet aq shpejt parashtrimi im s'janë tjetër veçse pikat e shumta të kontaktit mes problemit të formimit të ëndrrave dhe problemeve më të gjera të psikopatologjisë.

Këto nuk mund të trajtohen këtu, por nëse do të ma lejojë fuqia dhe nëse më bie në dorë material i mëtejshëm, ato do të përbëjnë lëndën për një punë të mëvonshme.