Sekreti i shpirtit binjak, Arielle Ford

Titulli: Sekreti i shpirtit binjak
Origjinali: The soulmate secret
Gjinia: Psikologji praktike
Autori: Arielle Ford
Shqipëroi: David Hudhri
Shtëpia botuese: Minerva
Viti: 2013
Fq. 248
Pesha: 0.345 kg
ISBN: 978-9928-164-81-0

Koment nga Jack Canfield

Meditimi dhe përfytyrimi i asaj që duam të krijojmë thjesht nuk mjafton. Për të arritur rezultate në çdo fushë të jetës sonë, duhet të përkushtohemi – në shpirt, mendje dhe trup. Kjo do të thotë të veprosh... dhe këtu hyn besimi. Gjatë udhëtimeve të mia, takoj shumë njerëz të përkushtuar, të cilët e konsiderojnë veten besimtarë.

Shpeshherë ata shkojnë shumë larg për të më bindur mbi forcën e besimit të tyre. "Unë besoj se e kam atë që duhet për të pasur sukses" më thonë. Ose "Unë besoj se e meritoj të përjetoj dashuri të thellë dhe përmbushëse". Po do t'ju them edhe juve, siç u them atyre, se derisa të hidheni në veprim, derisa të përballeni me rreziqet që jua rrisin aftësinë për të tërhequr dashurinë në jetën tuaj, atëherë nuk e besoni ende se një ditë do ta takoni shpirtin binjak. Nga e di unë këtë? E di, sepse besimi pa veprim nuk është në të vërtetë besim.

A do të ngurronit të hidhnit një top në ajër nga frika se do të mbetej përgjithmonë pezull në hapësirë? Sigurisht që jo. Ju besoni se forca e gravitetit do t'jua kthejë atë të sigurtë, në duart tuaja. Ky shembull i thjeshtë ilustron se kur besoni vërtet në diçka, veproni mbi të. Veprimi është një pjesë e rëndësishme e ekuacionit që thjesht nuk mund të anashkalohet. Në fakt, ka dy lloje veprimesh dhe secili prej tyre do t'ju sjellë më afër qëllimit tuaj përfundimtar.

Komente mbi librin

"Arielle Ford ofron, në terma frymëzues dhe inkurajues, përvojën e saj direkte se si të përgatiteni në vetëdije, zemër dhe shpirt për të tërhequr, njohur dhe për t'iu përgjigjur thirrjes së shpirtit, për një lidhje dashurore të vërtetë dhe të vetëdijshme."

Michael Bernard Beckwith, autor i Spiritual Liberation

"Si dikush që ka studiuar, praktikuar dhe ka dhënë mësim Ligjin e Tërheqjes për mbi 40 vjet, jam i emocionuar të bie ndesh me një libër i cili i shpjegon bukur parimet universale të tërheqjes, në një plan veprues për të tërhequr një lidhje të dashur dhe përmbushëse."

Jack Canfield, autor i "Çelësi i Jack Canfield për të jetuar Ligjin e Tërheqies"

"Sekreti i shpirtit binjak përmban recetën për dashuri, romancë dhe të ardhme të paimagjinueshme, një recetë të cilën e pashë ta krijonte dhe jetonte motra ime, Arielle Ford. Me qartësi dhe mençuri, ky libër paraqet të gjithë përbërësit për të marrë dashurinë që dëshironi dhe meritoni vërtetë. Lexojeni tani dhe lëreni dashurinë të fillojë."

Debbie Ford, autore e "Përse njerëzit e mirë bëjnë gjëra të këqija"

Mbi autoren

Arielle Ford i ka kaluar 25 vitet e fundit duke jetuar dhe promovuar vetëdijen përmes çdo forme të medias. Ajo është një prej partnerëve themelues të Rrethit të Kinemasë Shpirtërore, një klub DVD që u kushtohet dhënies së filmave frymëzues dhe që të ngrenë humorin.

Njihet më së miri për ndihmesën që u ka dhënë shumë autorëve të librave vetëndihmues dhe shpirtërorë për të nisur karrierën e tyre përfshirë Deepak Chopra – n, Jach Canfield, Mark Victor Hansen nga Supë pule për shpirtin, Neale Donald Walsch dhe shumë të tjerë. Ajo është autore e shtatë librave, përfshirë serinë e librave Çokollatë e nxehtë për shpirtin mistik. Arielle jeton në La Jolla, Kaliforni, me bashkëshortin dhe shpirtin e saj binjak, Brian Hilliard, dhe miqtë e tyre.