Te gjithe do ta dijne dhe do te heshtin (ebook), Meti Disha

Titulli: Të gjithë do të dinë dhe do të heshtin

Origjinali: Të gjithë do të dinë dhe do të heshtin

Gjinia: Poezi

Autori: Meti Disha

Shtëpia botuese: Autori

Viti: 2020

Shënim: për pagesat me kartë, lutem ndryshoni monedhën nga Lekë në USD, Euro ose Paund.

Poetët e shiut

Poezia, për ne, është ajka e leximit dhe medoemos ajo duhet të jetë një ushqim i vazhdueshëm i mendjeve të atyre që nuk shkëputen nga dieta e artit. Sidoqoftë, poezia duhet të shërbejë për më shumë, ajo duhet që, me brishtësinë dhe mprehtësinë e saj, të depërtojë gjer tek zemrat e lexuesve, duke shndritur kështu universin e botëkuptimit të tyre.

Ne mendojmë (dhe për këtë jemi të bindur!) që arsyeja përse në ditët e sotme nuk lexohet poezi, nuk është mosinteresimi i përgjithshëm i njeriut rreth librave, por mendojmë se shkaku kryesor është papërputhshmëria e librave me mendimet dhe ndjesitë e lexuesit të sotshëm.

Shumë shkruajnë, por pak kuptohen, e megjithatë çdo shkrues ka mendimet e veta rreth kësaj çështjeje. Ne themi se sot, çdo shkrues, prozator a poet qoftë, apo çdo artist, duhet të përshtatet me realitetin e kohës, duke zhbiruar të gjitha brengat e njerëzve; duhet të bëhet njësh me botën, për ta ndrequr atë, jo të shkëputet e të largohet prej saj.

Kështu ne menduam që nëpërmjet këtij libri, t'ju paraqesim disa poezi në të cilat mendjet dhe ndjenjat tuaja do të përkiten, ngase do të gjeni vetveten në rreshtat e shkruara me brumin e realitetit të vendit tonë në të cilin jetojmë: në Shqipëri.

C o p ë z a t  k r y e s o r e

• libri ndahet në dy cikle poetike:

1. "të gjithë do ta dijnë dhe do të heshtin."
2. "për gurët dhe myshqet".

• pjesa e tretë, është për copëzat e shkrimeve që na i keni sjellë ju!
• ne shkruajmë me të vogla, nuk na pëlqen të dukemi me të mëdha.
• brengat janë udhë, poezitë e këtij libri ecin nëpër to.
• në instagram, jemi te poetët e shiut!
• qendra jonë: tirana...
• te ne nuk qeshet me të madhe, por thjesht buzëqeshet pakëz...