Ky është fundi, Xhim Morrison

Titulli: Ky është fundi
Origjinali: This is the end
Gjinia: Poezi
Autori: Xhim Morrison
Shqipëroi: Genci Muçollari
Shtëpia botuese: Albas
Viti: 2018
Fq. 156
Pesha: 0.321 kg.
ISBN: 978-9928-282-04-0

Fragmente nga libri

Duke pritur diellin

Në vezullimin e parë të Edenit
U derdhëm poshtë në det,
U prehëm atje në bregun e lirisë,
Duke pritur diellin të ndrisë.

A e ndien që pranvera po vjen te ne,
Erdhi koha të rrojmë
Nën këtë diell mbi re.
Ende, duke pritur diellin.
Po pres të vish me mua.
Po pres këngën time të dëgjosh.
Po pres të më thuash çfarë shkoi dreq.

Kjo është jeta më e çuditshme që kam njohur!

A nuk e ndien?

Zgjimi i të porsalindurit

Ëmbël ata lëvizin,
Ëmbël ata ngrihen.
Të vdekurit janë si zgjimi
I të porsalindurit.
Me gjymtyrë të paralizuara,
Dhe shpirt të lagur,
Butë ata psherëtijnë
Kredhur në habi funeral.
Kush i thirri këta të vdekur
Në vallëzim?
Ishte ajo vajza që po mësonte
Të bënte si fantazmë,
Apo ishte Zoti vetë?
Ju kam thirrur
Të shenjtëroni tokën.
Ju thirra që të shpallni
Se pikëllimi
Po bie si lëkurë e përcëlluar,
Si një përbindësh
Për t'u madhëruar.
Dhe tani po ju thërres
Që të luteni.