Këngët e Maldororit, Isidore-Lucien Ducasse Lautreamont

Titulli: Këngët e Maldororit
Origjinali: Les Chants de Maldoror
Gjinia: Poezi
Autori: Isidore – Lucien Ducasse Lautréamont
Shqipëroi: Romeo Çollaku
Shtëpia botuese: Zenit Editions
Viti: 2015
Fq. 160
Pesha: 0.183 kg.
ISBN: 978-9928-113-41-2

Mbi autorin

Isidore – Lucien Ducasse – i njohur me pseudonimin Comte de Lautréamont – u lind më 4 prill 1846 në Montevideo të Uruguajit dhe vdiq, në rrethana misterioze, më 24 nëntor 1870 në Paris. Shumë pak gjëra dihen mbi jetën e tij, edhe këto të pasigurta.

Studioi në liceun e Tarbës (Pireneje) deri në vitin 1862, kurse më 1867 shkoi në Paris, ku mendohet se mori një dhomë me qera në rrugën Notre – Dame – des – Victories. Një vit më vonë filloi të shkruante Këngët e Maldororit (Les Chants de Maldoror), të cilat u shtypën në vëllim më vete më 1869 në Bruksel, por libri nuk qarkulloi në treg, ngaqë botuesi u tremb mos e përndiqnin.

Pjesa tjetër e krijimtarisë së tij përbëhet nga përmbledhjet Poezi I dhe Poezi II, të cilat u botuan më 1870. Gjithë vepra e Lautréamont – it, por veçanërisht Këngët e Maldororit, luajtën rol shumë vendimtar në zhvillimet letrare të shekullit XX.

Thotë Edmond Jaloux: "Jeta e tij mbaron, ashtu si dhe vepra, mes një misteri të paanë. Ne dimë vetëm që u zhduk prej kësaj bote, ashtu si Maldororit, vëmë re se ky personazh legjendar e i çuditshëm erdhi midis nesh vetëm për të na thënë disa gjëra të caktuara, që veç ai mund t'i thoshte, dhe pastaj të sprapsej pa dashur të na japë llogari për ato çka tha".