Gur i zhvendosur, Nikola Madzirov

Titulli: Gur i zhvendosur
Gjinia: Poezi
Autori: Nikola Madzirov
Shqipëroi: Milena Selimi
Shtëpia botuese: Poeteka
Viti: 2012
Fq. 72
Pesha: 0.14 kg
ISBN: 978-99956-29-99-1

Komente mbi autorin

"Përsa i përket cilësisë, poezitë e Madzirovit janë të ngjashme me ato të novelistit Tomas Tranströmer. Ato janë të hapura dhe përçojnë individualitetin e autorit; nuk sjellin pengesë përgjatë përjetimit dhe përqendrimit në to. Nikola Madzirov është në kërkim të ndjesisë së shtëpisë, kërkim ky që nuk i duhen muret."

Der Spiegel

"Madzirov përfaqëson edhe një tjetër zë gjenial nga Ballkani. Poezia e tij bazohet në këndvështrimin specifik nomad që endet mes territoreve nga më të ndryshmet, gjeografike, kulturore dhe shpirtërore."

World Literature Today

"Poezitë e Nikola Madzirovit janë si piktura ekspresive; mbushur me përjetime të ngjeshura dhe energjike, sikur burojnë nga imagjinata dhe në të njëjtin çast ato rikthehen sërish tek ajo, si zogjtë e natës, kapur në grackën e dritës së fareve të automobilave. "Mbetje të shekullit tjetër jemi ne" - Nikola Madzirovi ia del me sukses të na bëjë të besojmë tek kjo. Duhet ta ndjekim këtë poet të talentuar!"

Adam Zagajewski

"Vargjet e poetit Nikola Madzirov, sikur burojnë nga një vend tjetër kohor, si reflektim i një ndjeshmërie të jashtëzakonshme, të mençur dhe të gjallë. Gjatë leximit, ato strehohen tek ne, ndërsa ne bëhemi më të pasur duke u çliruar para tyre. Madzirov është një shpirt i rrallë dhe një poet i vërtetë."

Carolyn Forche

"Nikola Madzirov shkruan një nga poezitë më të bukura që vjen nga Europa Lindore, me të vërtetë një personalitet unikal, por edhe trashëgimtar i fuqishëm i Vasko Popës, Czeslaw Milosz – it, Zbigniew Herbert – it, Adam Zagajewskit... Superrealist, njerëzor dhe njeri, me dëshirën për të kuptuar errësirën, njëherësh i freskët, novator."

Peter Boyle

"Si ka mundësi që përpara tij, Nikola Madzirovit, nuk ekziston asgjë. Ai krijon ngrohtësi, mirësi, heshtje me zë të lartë. Është rikthim i fuqisë, hapësirës dhe paqes."

Tomaž Šalamun

"Edhe sikur ta dimë se në këtë botë jemi vetëm për një kohë të shkurtër, disa njerëz sillen sikur bota u takon atyre. Madje edhe shkrimtarët nuk çlirohen nga kjo arrogancë. Pavarësisht kësaj, Nikola Madzirov zgjedh të qaset drejt realitetit me shumë thjeshtësi. Ai sikur kthehet i padukshëm, për t'ua lënë vendin vargjeve të tij që shkëlqejnë."

Michael Krüger

Mbi autorin

Nikola Madzirov (1973, Strumë, Maqedoni) përfaqëson një nga zërat më të veçantë dhe më përfaqësues të poezisë së sotme evropiane. Krijimtaria e tij përkthyer në mbi 30 gjuhë është vlerësuar me çmime të rëndësishme letrare.

Në një intervistë për "California Poetics", Madzirov shprehet se: "Heshtja dhe errësira janë dy gjysmat bazë të kodit universal të të kuptuarit. Në heshtje, të gjitha zhurmat janë të barabarta, në errësirë të gjithë objektet janë të njëjtë. Poezia hap dimensione të reja për rikrijime fjalësh dhe dritë individualiteti. Që të jesh në gjendje të shkruash është e nevojshme të udhëtosh edhe përmes botës, edhe përmes vetvetes."