Qyteti ku dua te jetoj, Adam Zagajewski

Titulli: Qyteti ku dua të jetoj
Gjinia: PoeziAutori: Adam Zagajewski
Shqipëroi: Bardhyl Londo
Shtëpia botuese: Aleph
Viti: 2012
Fq. 160
Pesha: 0.24 kg
ISBN: 978-9928-4115-8-1

Komente mbi autorin
"Ai duket si dikush për të cilin tashmë e ke shkruar një memuar, një fytyrë që është vënë në një frontespie të vogël oval në ndonjë histori të letërsisë polake, më një gojë të shtrirë dhe me një palë sy të thellë të zinj dëshmitari të tmerreve të shekullit të XX – të, me flokët e rralluar gati të shogët e madje të rruar si të atij të burgosurit në kamp si ai që, sikundër e ka shkruar vetë, mund të jetë po aq mirë edhe një hebre, nga ata të një shtrese disi të ulët. Dhe ajo muzikë e rrallë që ai shkruan si një trishtil mbi Aushvic, apo një laureshë që gemton përsipër hirit të Aushvicit, ëshë e kthjellët si vesa, pa nënkuptime si uji, një prej atyre bekimeve të rralla të historisë sonë mohuese." Derek Walcott "Rrallë ka folur Muza e Poezisë me kaq ngut dhe me kaq qartësi si tek poezitë e Adam Zagajewskit." Josif Brodskij Mbi autorin Adam Zagajewski ka lindur në Lvov – in multikulturor më 1945, atëherë brenda territorit të Polonisë dhe tanimë territor i Ukrainës. Rininë e kaloi në Silesi dhe më pas në Krakow ku dhe u gradua në Universitetin Jagiellonian. Librin e parë me poezi e botoi më 1972 dhe më vonë një vëllim me ese, së bashku me shkrimtarin tjetër polak Julian Kornhauser, më 1974 të cilët shpallën aty manifestin e tyre letrar. Ai vlerësohet në rrethet kritike si përfaqësuesi më i shquar i rrethit letrar të brezit "68" apo ndryshe njohur si "Dallga e Re": përgjatë viteve '70 ai qe një prej disidentëve më aktivë dhe pikërisht për këtë qe në listën e zezë të policisë sekrete. Pikërisht krijimtaria e këtyre viteve qoftë në ese trajton tema të mprehta politike dhe sociale. Më 1982 shkon në Paris ku themelon një revistë letrare të ekzilit; disa vite më vonë bëhet Visting Professor i letërsisë angleze në Huston University. Ka botuar mbi dhjetë libra me poezi dhe katër të tjerë me eseistikë duke u bërë një prej poetëve më të rëndësishëm polakë të gjysmë shekullit XX e në vijim. Ai është vazhdues i denjë i traditës së jashtëzakonshme të poezisë polake të shekullit XX që fillon me Czeslaw Milosz, Zbigniew Herbert, Wislawa Szymborska. Fama e Adam Zagajewskit në SHBA është e padiskutueshme duke u bërë një prej poetëve më të dashur të botuar dhe të vlerësuar ndër shkrimtarët e huaj në këtë vend. Gjithashtu, Zagajewski është tepër i vlerësuar në Europë ku përmendim disa çmime të rëndësishme që ka marrë, të tillë si Berliner Kunstlerprogramm më 1979, Kurt Tucholsky Prize në Suedi, Prix de la Liberté në Paris dhe në Amerikë Guggenheim Fellowship për poezi më 1992 dhe të mirënjohurin çmim letrar ndërkombëtar Neustad Prize më 2004. Gjithashtu, Zagajewski është nominuar disa herë për çmimin Nobel. Poezitë dhe esetë e tij janë përkthyer në shumë gjuhë të botës me po atë entuziazëm që është përcjellë edhe në Perëndim. Në Shqipëri, ky është botimi i parë.