Titulli: Biri i Adamit
Gjinia: Poezi
Autori: Besnik Mustafaj
Shtëpia botuese: Toena
Viti: 2017
Fq. 152
Pesha: 0.131 kg.
ISBN: 978-9928-235-67-1
Fragment nga libri
Ndërsa ti më largohesh
Po ikën
Po vdes fjala e ëmbël në kraharorin tim
Siç vdesin kafshët e egra nga etja
Statuja diktatorësh rrëzova
Iu shmanga burgut të errët si djallit
Iu shmanga sa munda dhe majës plot dritë të pushtetit
Me shpresën e verbër
Tani them me shpresën foshnjore
Se do të vinte dita që të jetoja për veten,
Domethënë lirinë do e kisha të tërën për të dashur ty
Ndërsa ti më largohesh
Dhe largohesh duke më thënë se më do vazhdimisht
Më tërheq drejt kurthesh nga kam frikë se s'dal dot
Jam lodhur nga ti, nga lodrat e tua
Që dashurinë duan të ma kthejnë në zakon.