Titulli: Burri që më do mua (kopertinë e trashë)
Gjinia: Poezi
Autori: Adriatike Lami
Shtëpia botuese: Skanderbeg Books
Viti: 2017
Fq. 64
Pesha: 0.184 kg.
ISBN: 978-9928-221-21-6
Fragment nga libri
Ej, mos qeshni femra moderne,
Pas perdesh me shkëlqim fshihni lirinë;
Se dashuria e vërtetë mban peng të gjitha dashuritë,
Dhe jeton pas vdekjes, pas tradhëtisë,
Dhe përmes një burri tjetër.
S'po i vë kapak asgjëje, as ty mik, as fjalës tënde,
Kur thua gjithmonë se më do,
Ndoshta ti mund të jesh vërtetë burri që më do mua!
Afrohu, por mos rrëmo përbrenda syrit tim unik.
Nuk janë burime sytë e mi, as degë të thara lumi,
Aty ka ende lot të bukur malli,
Kot s'do t'i derdh, mos më bëj t'i plas.
Se përmbytjet e tyre janë fatale.
Bëhu burri im i përjetshëm; më pushto, mos më lësho.
Përrallë e rrallë qytetase, po eci krah teje,
E veshur me elegancë e dritëmalli.
Asgjë nuk kërkoj, as ngut nuk kam,
Por lutem që rrugës me blirë të vjetër,
Të takoj dhe njëherë, atë, burrin që më do mua.