Kategoritë

Botuesit

Autorët

Qyteti tjeter, Artur Balli Shihe të plotë

Qyteti tjeter, Artur Balli

Prej fillimit dhe deri në botimin e këtij libri, kam ndjekur plot kureshtje dhe emocion, krijimtarinë poetike të Artur Ballit si dhe shqipërimet e tij të shkëlqyera të poezisë madhore të romantikëve anglezë dhe, pothuaj, në çdo rast jam befasuar me temperamentin dhe dhuntitë e tij të lakmueshme poetike.

Info shtesë

Disponueshëria: Në gjendje

$11.27

Me ulje çmimi!

-20%

$14.09

Titulli: Qyteti tjetër (kopertinë e trashë)
Gjinia: Poezi
Autori: Artur Balli
Shtëpia botuese: Onufri
Viti: 2017
Fq. 224
Pesha: 0.474 kg.
ISBN: 978-9928-226-64-8

Koment nga Demir Gjergji

Prej fillimit dhe deri në botimin e këtij libri, kam ndjekur plot kureshtje dhe emocion, krijimtarinë poetike të Artur Ballit si dhe shqipërimet e tij të shkëlqyera të poezisë madhore të romantikëve anglezë dhe, pothuaj, në çdo rast jam befasuar me temperamentin dhe dhuntitë e tij të lakmueshme poetike.

Poezia e këtij autori, në pjesën më të mirë të saj, është një himn për botën njerëzore i kënduar aq bukur, sa të vjen ta lexosh e rilexosh, deri sa ta mësosh përmendësh. Një klasik modern si ai, mendoj, se rrallë gjendet, në mos mungon krejt, në poezinë e sotme shqipe.

Fragment nga libri

Ti s'humb asgjë po të më puthësh

Ti s'humb asgjë po të më puthësh
Vetëm për pak
t'i harrosh mbi mua, buzët
Se as deti me valë e shkumë
Kur bregun puth, nuk ka ç'të humbë.

Ti s'humb asgjë të rrish me mua
Vetëm për pak
të më tregosh hiret e tua
Se s'ka ç'të humbë një trëndafil
Kur shpleks petalet, gjithë nur, për
një bilbil.

Ti s'humb asgjë po të më prekësh
Vetëm për pak
mbi mua trupin ta mbështetësh
Se gjë nuk humb as re e bukur,
Në gjoks të malit kur rri strukur.

Ti s'humb asgjë sikur të duash
Vetëm për pak
pasionin tënd tek un' të shuash
Ashtu si një qiri, që s'humb asgjë
Kur ndez një qiri tjetër
dhe digjet bashkë me të.

Ti s'humb asgjë....