Titulli: Mbi kuaj ëndrrash
Origjinali: Mbi kuaj ëndrrash
Gjinia: Poezi
Autori: Fatmir R. Gjata
Shtëpia botuese: Toena
Viti: 2015
Fq. 160
Pesha: 0.203 kg.
ISBN: 978-9928-205-19-3
Koment nga Isak Ahmeti
Pas botimit të tri vëllimeve poetike: "Mjellma nën dritën e hënës", 2013; "Engjëjt e shuar", 2013 dhe "Valsi i tretë", 2014, korpusit poetik të Fatmir R. Gjatës i shtohet libri i katërt me poezi: "Mbi kuaj ëndrrash", me të cilin autori shkon e ngrihet në atë majë që dëshmon pjekurinë dhe vetëdijesimin e tij poetik.
Vlen të theksohet se pjesa më e madhe e poezisë së tij shquhet për disa veçanti dhe struktura tekstore më artistike dhe më të ndërliqshme në poezinë tonë më të re. E menduar mirë dhe e krijuar mbi bazën e një sistemi të përpunuar me shumë përkushtim, poezia e Fatmir R. Gjatës shquhet duke filluar nga njësitë më të vogla të strukturës gjuhësore poetike, për të vazhduar te poezia si njësi tërësore, pastaj te përmbledhja si unitet shprehjeje e stili poetik si formë e shqiptimit të botës subjektive të krijuesit.
Është me rëndësi të theksohet se poezia e këtij libri, me strukturën e veçantë tekstore poetike, me shumësinë dhe thellësinë kuptimore që ngërthen në vete, me nëntekstin e pasur, poetologjik, dhe me mundësi të shumta të ndikimit estetik, si strukturë poetike e hapur (Umberto Eco), bën njërën ndër pjesët më të bukura kuptimore dhe artistike në poezinë e sotme shqipe...
