Shpirt, i ëmbël shpirt, Leom

Titulli: Shpirt, i ëmbël shpirt
Origjinali: Shpirt, i ëmbël shpirt
Gjinia: Poezi
Autori: Leom
Shtëpia botuese: Toena
Viti: 2015
Fq. 288
Pesha: 0.301 kg.
ISBN: 978-9928-205-09-4

Mbi librin

Leom Kolmnela vjen me këtë vëllim me sonete, duke u përpjekur të shprehë gjithë pasionin e tij nëpërmjet tyre. Sonetet e tij dallohen për natyrën e ndjeshme, për motivin e dashurisë në të gjitha trajtat dhe për nivelin artistik.

Komunikimi i autorit vjen i realizuar artistikisht mes impulseve të brendshme dhe detajeve, reflekseve të së përditshmes. Poezia e tij rrjedh lirshëm, duke na dhuruar kënaqësi dhe qetësi. Teksa lexon këto sonete, e para gjë që të godet është një optimizëm që duket se ngre krye sa herë ka përpara një vështirësi.

Fragment nga libri

Nuk ka në botë varg të papërsosur
Që dalë ka nga një shpirt i plagosur.

Nuk ka asgjë në botë si dashurinë
Ata që nuk e dinë le ta dinë.

S'ka shpirt që dashuruar s'është njëherë
S'ka zemër që nga ndjenja s'është lënduar
S'ka jetë që nga dashuritë s'mori vlerë
Nuk vdiq askush njëherë pa dashuruar.

Ti ndje, o shpirt, e ëmbël shpirt
Jeton bota për ty dhe ti për të
dashuria është ajo që të jep dritë
më të shtrenjtë se dashurinë s'ka asgjë.

Ti ndje përherë, o shpirt i kulluar
Ti shpirt që qan e qesh e ti që dhemb
Ti shpirt që për dashurinë ke luftuar
Ti shpirt që vuajtjen e ktheve në këngë.

Qofsh shpirt i mirë, i bardhë apo i zi
I mbytur je përherë në dashuri.