Për dhuntinë e mahnitjes, Azem Qazimi

Titulli: Për dhuntinë e mahnitjes
Origjinali: Për dhuntinë e mahnitjes
Gjinia: Poezi
Autori: Azem Qazimi
Shtëpia botuese: Zenit Editions
Viti: 2013
Fq. 52
Pesha: 0.101 kg.
ISBN: 978-9928-113-24-5

Fragmente nga libri

Poezia siç është

Kur të jem çliruar nga shqisat dhe mendimi,
Kur gjuha ime të veprojë pa nevojën e përqasjes,
Kur, më në fund, të mos kem voli
Për përfytyrimin, këtë shqisë të së mundshmes,
Dhe t'i shoh gjërat ashtu siç janë gjërat,
Atëherë, dhe vetëm atëherë, në këtë skamjen time,
Do të mund të shoh vërtet dhe të shkruaj poezinë
Që e din se poezia është këtu, tani dhe përgjithnjë,
Poezinë siç është, poezinë njësh me veten.

Fjala

Pasi ka vuajtur si shenjtorët e mëdhenj,
Sfilinë e vegimeve, fjala vjen të shërojë,
Themelon republikën e të përunjurve,
Merr në prehër më shumë njerëzim se Maria.