A janë tavolinat e tua të lumtura, Dorian Kulla

Titulli: A janë tavolinat e tua të lumtura?
Origjinali: A janë tavolinat e tua të lumtura?
Gjinia: Poezi
Autori: Dorian Kulla
Shtëpia botuese: Hutini Books
Viti: 2014
Fq. 108
Pesha: 0.127 kg
ISBN: 978-9951-8870-1-4

Fragment nga libri

Përpiqem të rikrijoj më kot

Nuk mundem të them se si kaq thjesht
Kujtimet krejt po më braktisin,
Pasi ndryshon nga kur fundvjeshtës
E gjera gjethe braktis lisin.

Ndryshon dhe nga kur dallëndyshet
Foletë i lënë të mjera:
Një ditë do t'kthehen sërishmi,
Dallëndyshja dhe gjethegjera.

Asnjë kujtim nuk më ka mbetur
Prej fytyrës, zërit a kurmit,
Flokëve të zi gjoksesh derdhur,
A natës cullake dhe gjumit.

Përpiqem të rikrijoj – më kot –
Muzgje vjeshte me hënën pranë,
Por shoh se mallin nuk e nxjerr dot
Me nëntërrokësha Kadarejan.

S'kujtoj as kur u dashuruam,
Kur ishim ende të pafajshëm,
Kur mbase ende s'kish filluar
Ky dreq harrimi i pashmangshëm.