Alter Ego, Lediona Braho

Titulli: Alter Ego
Origjinali: Alter Ego
Gjinia: Poezi
Autori: Lediona Braho
Shtëpia botuese: Botart
Viti: 2012
Fq. 82
Pesha: 0.12 kg
ISBN: 978-9928-116-23-7

Mbi autoren
Lediona Braho është lindur më 5 gusht 1991 në Konispol. Shkollën 8 – vjeçare dhe të mesme i kreu në vendlindje. Aktualisht studion për Psikologji në Universitetin e Tiranës. Ka filluar të shkruajë që në moshën 10 vjeçare, fillimisht lirika të shkurtra për natyrën. Më vonë bëri përpjekjet për të shkruar një roman, i cili mbeti në letër, por që çeli krijime të shkurtra, kryesisht poezi. Gjatë rrugëtimit të saj poetik, e kanë mbështetur miqësisht dhe profesionalisht profesorët e nderuar dhe shkrimtarët: Pajtim Çaushi dhe Bardhyl Maliqi.
Fryt i punës dhe angazhimit të deritanishëm të Lediona Brahos janë dy librat: "Ag..." (2008) dhe "Përtej ëndrrës" (2009), shkrime dhe ese të paraqitura në konkurse lokale dhe kombëtare, skica etj. Muza poetike e ngjyros jetën e Lediona Brahos si bojërat telajon e një piktori: Ajo është agu dhe muzgu i ditëve të saj, fillimi dhe mbarimi i gjithçkaje që e bën të jetë ajo që është.

Fragment nga libri

Ti qave
Dhe pemët shkundën gjethet,
Që, si zogj të vrarë
Mbuluan tokën e thatë.
Dy pika loti lagën buzët e çarjeve.
Të mbylla sikur një libër filozofik,
Të kyça, e mandej, ca bulëza më njomën faqet.
Të flaka, siç flakim një send
Dhe u mundova të harroj fjalët,
Fjalët...Lamtumirë!