Titulli: Buzë të ngrira në gaz
Gjinia: Poezi
Autori: Zef Zorba
Shtëpia botuese: Princi
Viti: 2010
fq. 176
Pesha: 0.28 kg
ISBN: 978-99943-947-9-1
Mbi autorin
Zef Zorba lindi më 1920 në Kotorr të Malit të Zi në një familje shqiptare. Mbas mbarimit të gjimnazit në Shkodër, më 1941 regjistrohet në Fakultetin e Shkencave Shoqërore, dega e Studimeve Politike në Universitetin e Padovas në Itali. I ndërpret studimet në 1942 për arsye të Luftës së Dytë Botërore dhe kthehet në Shkodër, ku fillon punë si nëpunës banke.
Në vitet 1945-1946 punësohet si regjisor në Shtëpinë e Kulturës në Shkodër, ku vë në skenë mjaft pjesë dramatike me tingëllim të qartë dissident si: "Juda Makabre" e Fishtës, "Armiku i popullit" i Ibsenit etj. Ndoshta edhe për këtë arsye arrestohet më 1946 dhe burgoset me akuzën e agjitacionit dhe propagandës. Vuan dënimin në burg politik deri në vitin 1951. Më vonë punon në ndërmarrje të rrethit të Shkodrës si llogaritar deri në vitin 1980, kur dhe del në pension.
Ndërron jetë në janar 1993 në Shkodër. Në heshtjen e thellë të gjysmëshekullit të njëzetë, Zorba, i pajisur me një kulturë të pazakontë për kohën dhe mjedisin ku jetoi, vizatoi figurën e intelektualit të vërtetë, larg kompromiseve. Ai krijoi një afinitet të çuditshëm me letërsinë dhe filozofinë moderne duke përkthyer poetë të tillë si: R. Frost, Xh. Ungareti, S. Kuazimodo, E. Montale, T. S. Eliot; dramaturgë si: B. Shou, L. Pirandelo, Uelld, Uajllder, Martin; e filozofë si: B. Kroçe, H. Xh. Gadamer etj.
Në fushën e krijimtarisë origjinale ai, përveç autor i këtij libri, është në të njëjtën kohë edhe autor i disa pjesëve dramatike operash. Pjesë e rëndësishme e prodhimit të tij letrar është edhe një fond i rëndësishëm publicistik dhe studimor.