Turist në utopi, Rune Ottosen

Titulli: Turist në utopi
Origjinali: Turist i Utopia
Gjinia: Histori, sociologji
Autori: Rune Ottosen
Shqipëroi: Myrteza Shini
Shtëpia botuese: Skanderbeg Books
Viti: 2018
Fq. 320
Pesha: 0.395 kg.
ISBN: 9789928221292

Fragment nga libri

Çdo shqiptar, i cili një pjesë të mirë të jetës e ka kaluar në diktaturë, i kujton fare mirë grupet e “turistëve” të rinj të Europës veriore që shpesh, si pjesë e grupeve m – l, silleshin rrotull Shqipërisë në vitet 70’, nëpër kantieret e mëdha të socializmit, të preknin “sukseset” e planeve pesëvjeçare dhe përparimin e këtij fanari të vetëm në botë, të cilit i kishte mbetur detyra t’i ruante të pacënuara idetë staliniste.

Mu aty në zemër të represionit, të hapur e të fshehtë, kjo turmë naive dhe e shkujdesur, u bë një dëshmitare e verbër e një nga regjimeve më të egra të këtij planeti. Mes tyre ishte edhe Rune Ottosen, autori i këtij libri. Ai sjell këtu të freskëta përshkrimet e atyre ditëve, si edhe refleksionin e tij të thellë me kthimin e tij dekada më pas në Shqipëri.

Ai ka takuar dhe intervistuar shumë njerëz dhe ka analizën e tij mbi atë ç’ka ngjau pas kuintave, jo vetëm në Shqipëri, por edhe në vetë lëvizjën m – l në Europë. E gjithë kjo e bën këtë libër shumë interesant, që vjen edhe si një lloj ndjese njerëzore për naivitetin rinor dhe besimin e verbër tek “e drejta”, që në fakt, në prapaskenë luftoi edhe me të drejtën më themelore: atë të jetës njerëzore, të mijëra jetëve njerëzore, të humbura nën ethen e ndërtimit dhe të instalimit të një prej regjimeve më të tmerrshme në historinë e njerëzimit.