Shqiperia dhe Kina, nje aleance e pabarabarte, Elez Biberaj

Titulli: Shqipëria dhe Kina, një aleancë e pabarabartë
Origjinali: Albania and China, a study of an unequal alliance
Gjinia: Histori
Autori: Elez Biberaj
Shqipëroi: Jorgji Qirjako
Shtëpia botuese: AIIS Tirana Times
Viti: 2014
Fq. 204
Pesha: 0.271 kg.
ISBN: 978-9928-195-01-2

Mbi librin

Një nga tiparet më të dallueshme të politikës ndërkombëtare, aleanca dypalëshe e pabarabartë, e lë shpesh fuqinë e vogël në një pozitë inferiore. Dominimi i aleancës nga fuqia e madhe e zvogëlon statusin e fuqisë së vogël në rolin e një sateliti dhe jo të një aleati. Në këtë mënyrë, fuqia e vogël pëson humbjen e sovranitetit.

Por kjo gjë nuk ishte e vërtetë në aleancën midis shtetit më të vogël dhe shtetit më të madh komunist: Shqipërisë dhe Kinës. Gjatë 17 vjetëve (1962 – 1978), Shqipëria e përdori këtë aleancë si një strategji për të ndjekur dhe siguruar objektivat e saj kombëtare. Kjo marrëdhënie, e shqyrtuar këtu nga një këndvështrim shqiptar, u bë akoma edhe më unike nga një mospërputhje e thjeshtë interesash, nga largësia e madhe gjeografike, nga ndryshimet e thella historike dhe kulturore, si dhe nga pabarazitë e mëdha të kapaciteteve ekonomike dhe ushtarake.

Autori e përdor analizën kosto – përfitim për të nxjerrë në pah marrëdhëniet midis aleancës politike të Tiranës me Pekinin dhe ndihmën politike, ekonomike dhe ushtarake të Kinës për Shqipërinë, si dhe për të treguar se si Shqipëria nxorri përfitime të konsiderueshme nga Kina. Ecuria e kësaj aleance vlerësohet duke u përqendruar në të dyja anët, në mënyrën se si këto marrëdhënie u ndikuan nga zhvillimet e brendshme dhe ndërkombëtare dhe në mënyrën se si u zhvilluan marrëdhëniet e Tiranës me Pekinin në kontekstin e politikave të përgjithshme, të brendshme dhe të jashtme, të Shqipërisë.