Një shkollë për Lavinjën, Bianca Pitzorno

Titulli: Një shkollë për Lavinjën
Origjinali: Una scuola per Lavinia
Gjinia: Roman
Autori: Bianca Pitzorno
Shqipëroi:Dhurata Shehri
Shtëpia botuese: Dituria
Viti: 2018
Fq. 144
Pesha: 0.221 kg.
ISBN: 978-9928-217-78-3

Mbi librin

Falë magjisë së unazës që mori dhuratë nga një zanë, Lavinja, dikur shitësja e vogël e shkrepëseve, u bë e pasur. Tani jeton në Grand Hotel, udhëton me makinë dhe ndjek Institutin Prestigj & Sukses.

Por ajo ka mbetur Lavinja e dikurshme, që mallëngjehet para lypësve që kërkojnë lëmoshë. Ka premtuar se nuk do të përdorë më magjinë e unazës, por kur kukulla e Teos, kukulla që kur shtyp një buton sekret, shndërrohet në foshnje prej mishi dhe gjaku, zhduket, vajza e vogël e shkrepëseve, do ta thyejë premtimin. Shumë gjëra do të ndryshojnë; nga shkolla e deri te fati i lypësve të vegjël.

Fragment nga libri

- Shkurt, pra Paloma, - përfundoi Lavinja, - kjo shpjegohet ngaqë argjendarët, si shumë njerëz të tjerë, kanë simpati të madhe për njerëzit e pasur dhe mendojnë se të jesh i pasur, do të thotë të jesh edhe i ndershëm. Ndërkohë që nuk i durojnë dot të varfrit dhe mendojnë se të jesh i varfër, do të thotë të jesh edhe hajdut e kriminel.

Koment nga autorja

Koha kalonte... në botë ndryshonin shumë gjëra dhe, nëpër rrugët e Milanos, si edhe nëpër metropolet e tjera të Europës, shtohej numri i lypësve. Shumë prej tyre ishin fëmijë. Ndërkaq, unë isha bërë Ambasadore e Vullnetit të Mirë e UNICEF – it dhe po merresha me një projekt të bashkisë së Romës për varfërinë e fëmijëve.

Nuk ishte e drejtë, nuk është e drejtë, që disa fëmijë të kenë gjithçka që u duhet dhe me tepri, dhe fëmijëve të tjerë t'u mungojë gjithçka, që nga ushqimi, shëndeti, dinjiteti dhe shkollimi.