Sekreti i Mhoragës, Thellësitë e liqenit të harruar, vol. 3, Martin Barry

Titulli: Sekreti i Mhoragës, Thellësitë e liqenit të harruar, vëllimi i tretë
Origjinali: Le secret de Mhorag, Les profondeurs du lac oublié
Gjinia: Roman
Autori: Martin Barry
Shqipëroi: Vladimir Bako
Shtëpia botuese: Dritan
Viti: 2014
Fq. 416
Pesha: 0.431 kg.

Mbi librin

Thellësitë e Liqenit të Harruar është vëllimi i tretë dhe i fundit i serisë fantastike dhe me aventura Sekreti i Mhoragës.

E çliruar nga burgu i qelqtë në Qendrën Botërore të Kriptozoologjisë, Mhoraga rikthehet në Skoci për t'iu kundërvënë planeve hakmarrëse të Vangorit të kobshëm, i cili mbjell kaos ngado që kalon me qëllim që të shtjerë në dorë kristalin e ndritshëm, i cili është nën ruajtjen e të riut Xhon Emil Talbot (Xhet).

Tok me Ragdanorin, Xheti është në gjendje tani të udhëtojë nëpër tunelet e thella nënujore, falë fuqisë së kristalit. Pas peripecish të pabesueshme, ai do të zbulojë, më në fund, të fshehtën e çuditshme mbi origjinën e vet.

Paralelisht, në Mesjetë, kalorësi Myrtag dë Byrka përballet me rreziqe të tmerrshme për të shpëtuar nga vdekja Ranëvonesën, një krijesë fisnike liqeni. Ky arrin të pamundshmen, falë lidhjeve që e bashkojnë me qeniet e thellësive.

Me ndihmën e kristalit, të trashëguar nga paraardhësit e tij, Myrtagu i kundërvihet Gordhalit me një sy – transformuar në njeri –, i cili përhap valën e murtajës së zezë nëpër Evropën mesjetare.

Mirë se vini në universin fantastik të gjarpërinjve të detit dhe të përbindëshave liqenorë, që popullojnë Liqenet e Skocisë dhe të Irlandës.