Portreti i Dorian Greit (pershtatje per femije), Oscar Wilde

Titulli: Portreti i Dorian Greit (përshtatje për fëmijë)
Origjinali: The picture of Dorian Grey
Gjinia: Roman
Autori: Oscar Wilde
Shqipëroi: Alba Jorganxhi
Shtëpia botuese: Ideart
Viti: 2004
Fq. 88
Pesha: 0.131 kg
ISBN: 978-99943-637-1-9

Mbi librin

A është e mundur që piktura e një njeriu të tregojë më tepër se vetë fytyra e tij? Nëse është pikturuar me dashuri, ndoshta piktura do të tregojë më tepër se vetëm pamjen e jashtme të atij personi, ndoshta do të tregojë botën e tij të brendshme. Shpeshherë, ne themi se fytyra i ngjan një libri të hapur, themi se "fytyra tregon historinë e saj".

Kur Dorian Grei sheh pikturën e fytyrës së tij, ai bie në dashuri me bukurinë e tij. Asgjë nuk duhet ta prekë bukurinë e tij, asgjë nuk duhet ta vrasë apo ta ndryshojë atë, as dashuria, madje as vetë koha. Dhe kështu ai ndërpret lidhen mes fytyrës dhe zemrës së tij, midis pamjes së jashtme dhe botës së tij të brendshme.

Fytyra e tij nuk ndryshon. Ajo qëndron e re dhe e bukur. Por portreti, i pikturuar me dashuri, rrëfen historinë e vërtetë. Ai paraqet Dorian Grein e vërtetë, i cili po plaket, po shëmtohet i mbushur me urrejtje.

Mbi autorin

Oskar Uajlld lindi në Dublin në vitin 1854. Ai ndoqi kolegjin në Dublin dhe më pas vazhdoi studimet në Oksford ku më 1878 fitoi një çmim poezie. Në vitin 1882 u botua libri i tij i parë dhe vitin tjetër ai shkoi në SHBA për të dhënë leksione. Në vitin 1884 u martua dhe në vitin 1888 shkroi një libër me tregime "Princi i lumtur dhe përralla të tjera".

Ai shkroi libra të tjerë me tregime, por romani "Portreti i Dorian Greit" është i vetmi roman që ka shkruar. Kur romani u shfaq, shumë njerëz shprehën pakënaqësira; thoshin se ishte një libër i keq me ide jo të mira. Por Uajlld nuk ishte dakort me thënien se librat mund të jenë të këqinj ose të mirë. "Librat janë shkruar mirë ose keq. Kjo është e gjitha", shkroi ai.

Uajlld shkroi veprën e parë teatrale në vitin 1883, por nuk pati sukses. Megjithatë, "Erashka e zonjës Uindermer" u bë e famshme për teatërdashësit për shkak të fjalëve të mençura dhe tablosë së qartë të njerëzve dhe mënyrën se si ata jetonin.

Suksesi i Uajlldit vazhdoi derisa doli krijimi i tij më i mirë "Rëndësia e të qenit i ndershëm" (1895), por në të njëjtin vit ai u burgos për shkak të jetës së tij jo të rregullt. Kur doli nga burgu më 1897 shkoi të jetonte në Francë ku shkroi "Balada e Burgut të Ridingut", një poemë e gjatë për përvojën e tij në burg. Ai vdiq në Paris në vitin 1900.