Hajdi, Johanna Spyri

Titulli: Hajdi
Origjinali: Heidi
Gjinia: Roman
Autori: Johanna Spyri
Shqipëroi: Rozeta Meta
Shtëpia botuese: Zambaku
Viti: 2011
Fq. 148
Pesha: 0.181 kg
ISBN: 978-99956-08-45-3

Mbi librin

Hajdi është një tregim i këndshëm për fëmijë. Kjo është një ndër veprat e shumta të shkrimtares zvicerane Johanna Spyri, e cila u nda nga jeta në Zyrih në vitin 1901. Ajo u bë e famshme me tregimin "Heimathlos", në faqen e parë të të cilit ka përdorur shprehjen "Ky libër është shkruar për fëmijë po aq sa është shkruar dhe për ata që i duan fëmijët".

Në tregim flitet për jetën e një vajze nga Zvicra, për momentet e paharrueshme që ajo kalon në shtëpinë në mal, me të cilën është shumë e lidhur dhe për vajtjen e saj në qytet, ku jeta i duket si burg. Me personazhin e Hajdit, shkrimtarja ka treguar qartë simpatinë që ajo ka ndaj instikteve dhe dëshirave të fëmijëve.

Njësoj si Hans Kristian Anderseni – i, edhe Spyri është e aftë të përcjellë në veprat e saj jetën e thjeshtë të botës së pafajshme të fëmijëve. Në të gjitha veprat e saj vihet re një dëshirë e fortë për t'i mbrojtur fëmijët nga keqkuptimet dhe sjelljet jo të përshtatshme, të cilat do të pengonin zhvillimin e natyrshëm të karakterit dhe jetës së tyre, siç edhe do të pengonin lumturinë e tyre.

Shkrimtarja i ka përshkruar aq bukur vendet në të cilat zhvillohen ngjarjet dhe i ka përshtatur aq mirë personazhet e saj me këto vende, sa lexuesit i krijohet ndjesia sikur po jeton në ato vende bashkë me personazhet e rrëfimit.