Busulla e Artë 1, Philip Pullman

Titulli: Busulla e Artë1
Origjinali: The Golden Compass 1
Gjinia: Roman
Autori: Philip Pullman
Shqipëroi: Artan Miraka
Shtëpia botuese: Dudaj
Viti: 2008
Fq. 388
Pesha: 0.331 kg
ISBN: 978-99943-0-058-7

Mbi librin

Lira Belakua i gëzohet jetës duke bredhur e lirë mes studiueseve në kolegjin Xhordan, me shejtanin e saj gjithmonë përkrah. Por në çastin që dëgjon bisedat e fshehta mbi Pluhurin, një lloj grimce e jashtëzakonshme, ajo gjendet papritmas në zemër të një beteje të tmerrshme, një betejë që e ka zanafillën te Hamësit dhe fëmijët e grabitur, klanet e shtrigave dhe arinjtë me parzmore.

Dhe ndërsa nxiton drejt rrezikut në Veriun e largët e të ftohtë, Lirës së vogël nuk i shkon mendja kurrë tek e vërteta tronditëse: fati i saj nuk do të përmbushet kurrë në këtë botë, por përtej saj. Ky libër ka fituar një sërë çmimesh dhe mbahet si një kryevepër klasike e fantazisë moderne. Philip Pullman-i është gjithashtu edhe fitues i çmimit Astrid Lindgren, çmimi më i madh në botë i letërsisë për fëmijë.

Mbi autorin

Philip PullmanLindi në Noruiç më 1946 dhe u shkollua në Angli, Zimbabve dhe Australi. Që në moshën 25-vjeçare, punoi si mësues nëpër shkollat e mesme në Oksford, para se të shkonte në kolegjin e Uestminsterit. Me një pasion të madh për mësimdhënien, ishte i fiksuar në mbajtjen e shënimeve, ku shprehej se jo çdo gjë ishte e përkryer nëpër shkolla. Një nga shqetësimet e tij më të mëdha kishte të bënte me mënyrën se si iu mësohej letërsia fëmijëve.

Vepra e tij më e njohur është trilogjia “Materialet e tij të errëta”, që fillon me “Busulla e Artë” (1995), “Thika e mprehtë” (1997) dhe përfundon me “Tejqyra e qelibartë” (1997). Këto libra janë nderuar me shumë çmime, si “Medalja Carnegie, Guardian Children’s Book Award”, ndërsa për “Tejqyra e qelibartë” ka marrë “The Whitbread Book of the Year Award” - hera e parë në historinë e këtij çmimi që i jepet një libri për fëmijë.

Në vitin 2005 fitoi çmimin “Astrid Lindgren”, një nder i mrekullueshëm ndërkombëtar, që jepet nga qeveria suedeze, duke nderuar gjithashtu emrin e një gruaje të madhe, për të cilën të gjithë suedezët ndihen krenarë. Në vitin 2002 mori çmimin “Eleanor Farjeon” për letërsinë për fëmijë.