Thika e Mprehtë 2, Philip Pullman

Titulli: Thika e Mprehtë 2
Origjinali: The subtle knife 2
Gjinia: Roman
Autori: Philip Pullman
Shqipëroi: Artan MirakaShtëpia botuese: Dudaj
Viti: 2008
Fq. 324
Pesha: 0.271 kg
ISBN: 978-99943-0-086-0

Mbi librin

Lira e vogël guximtare kalon një portë vezulluese në qiell dhe gjendet në një qytet shumë të bukur e të shkretë, në botën tjetër, ku rrugët ruhen nga fantazmat që ushqehen me shpirtra dhe në qiell dëgjohet rrahja e largët e flatrave të engjëjve. Por nuk është e vetme: dymbëdhjetëvjeçari Uill Perri, që arratiset nga jeta e tij pas një vrasjeje, ka hyrë gjithashtu në këtë mbretëri të re.

Në një udhëtim të rrezikshëm nga bota në botë, Lira dhe Uilli zbulojnë një sekret vdekjeprurës: një objekt me një fuqi të jashtëzakonshme shkatërruese. Në çdo hap që hedhin, ata i afrohen një rreziku gjithnjë e më të madh – dhe së vërtetës tronditëse të destinacionit të tyre.

Mbi autorin

Philip PullmanLindi në Noruiç më 1946 dhe u shkollua në Angli, Zimbabve dhe Australi. Që në moshën 25 – vjeçare, punoi si mësues nëpër shkollat e mesme në Oksford, para se të shkonte në kolegjin e Uestminsterit. Me një pasion të madh për mësimdhënien, ishte i fiksuar në mbajtjen e shënimeve, ku shprehej se jo çdo gjë ishte e përkryer nëpër shkolla. Një nga shqetësimet e tij më të mëdha kishte të bënte me mënyrën se si iu mësohej letërsia fëmijëve.

Vepra e tij më e njohur është trilogjia "Materialet e tij të errëta", që fillon me "Busulla e Artë" (1995), "Thika e mprehtë" (1997) dhe përfundon me "Tejqyra e qelibartë" (1997). Këto libra janë nderuar me shumë çmime, si "Medalja Carnegie, Guardian Children's Book Award", ndërsa për "Tejqyra e qelibartë" ka marrë "The Whitbread Book of the Year Award" - hera e parë në historinë e këtij çmimi që i jepet një libri për fëmijë. Në vitin 2005 fitoi çmimin "Astrid Lindgren", një nder i mrekullueshëm ndërkombëtar, që jepet nga qeveria suedeze, duke nderuar gjithashtu emrin e një gruaje të madhe, për të cilën të gjithë suedezët ndihen krenarë. Në vitin 2002, mori çmimin "Eleanor Farjeon" për letërsinë për fëmijë.