Kafshët e mia, libra me tinguj dhe prekje

Vetura e verdhë merr rrugën për të shkuar në plazh. Në udhë e sipër ngec në trafikun e qytetit. Paskëtaj, një gozhdë i hyn në një nga rrotat. Oh, mos! Më në fund mbërrin në plazh.

Kotelja luan në kopsht me fluturat dhe më pas hyn në dhomë e luan me lëmshin e leshit. Kur e kapit lodhja, shkon dhe ia merr gjumit pranë zjarrit bubulak. Gjumë të ëmbël, kotele!

Qenushi luan dhe më pas shkon në lulishte për të luajtur me shokët e tij. Por koha rrjedh me shprejtësi dhe sakaq, ka ardhur ora për t'u kthyer në shtëpi. Mirupafshim, qenush i dashur!

Treni i kaltër po mbart një ngarkesë me trungje për në vendin ku po ndërtohet ura e re. Atij i duhet të ngjitë të përpjetën e një kodre dhe të kalojë përmes tunelit. Dhe pak dhe ura do të përfundojë.

Na ishte njëherë një rosak i shëmtuar, i cili për shkak të pamjes së jashtme ndihej ndryshe nga të tjerët. Por, koha kalonte dhe një ditë pranvere, bukuria e tij i la pa mend kafshët e fermës... Dëshiron të dëgjosh se si klithën kafshët nga habia? Shtyp butonin përkatës dhe do ta dëgjosh!

Na ishin njëherë shtatë keca që jetonin të lumtur me mamadhinë në një kasolle në mes të pyllit derisa një ditë prej ditësh ujku i lig trokiti në derën e kasolles... A dëshiron të dëgjosh trokitjen e ujkut të lig në derën e kasolles së tyre? Shtyp butonin dhe do ta dëgjosh!

Na ishte njëherë një vogëlush jo i zakonshëm prej druri, të cili papritur, ngaqë nuk bindej, i dolën veshë të mëdhenj si të gomarit dhe, ngaqë gënjente, iu rrit hunda. Fëmijët e tjerë qeshnin me të madhe kur e shihnin... Dëshiron të dëgjosh se si qeshnin fëmijët me vogëlushin tonë? Shtyp butonin përkatës dhe do ta dëgjosh!

Na ishte njëherë një gomar, një qen, një maçok dhe një gjel që vendosën të bashkoheshin për të formuar bandën muzikore më të veçantë të të gjitha kohërave... Dëshiron të dëgjosh se si u binin veglave miqtë tanë? Shtyp butonin përkatës dhe do ta dëgjosh!

Na ishte njëherë një zonjushë e ëmbël, e katandisur shërbyese prej njerkës shpirtkazmë. Një ditë prej ditësh, një zanë i shndërroi rreckat e saj në një fustan të shkëlqyer, në mënyrë që vasha e gjorë të merrte pjesë në ballon që jepte princi. Dëshiron të dëgjosh dymbëdhjetë kambanat e sahatit? Shtyp butonin përkatës dhe do ta dëgjosh!

E di ti si punon zemra? Përse ne gogësijmë? Përse na duhet stomaku? Lexo këtë libër dhe zbulo sekretet e trupit tënd. Nga tingujt e gëzuar, këto njohuri kthehen në një lojë argëtuese.

Në faqet e këtij libri, fëmija do të gjejë përrallat aq të dashura për të. Tani ato mund të lexohen duke u shoqëruar nga tinguj e zëra të mrekullueshëm. Duke shtypur butonat, fëmija dëgjon zërat e personazheve të përrallave, si dhe shumë tinguj të tjerë interesantë.

Gjithçka që ndodhet në tokë – kjo është bota rreth nesh: qyteti i zhurmshëm dhe ferma e gëzueshme, pyjet e gjelbra, savanat dhe xhunglat, detet dhe oqeanet, malet, polet... Dëshiron të dish më tepër për botën që na rrethon?

Abetarja e parë zanore në gjuhën shqipe. Duke shtypur butonët zanorë, fëmijët dëgjojnë shkronjat, fjalët e fjalitë dhe i mësojnë ato në mënyrë argëtuese. Në libër ata do të gjejnë situata me personazhe nga bota e kafshëve, të ilustruara plot ngjyra dhe fantazi.

Ç'gjë mund të jetë më interesante se udhëtimi rreth botës?! Bashkë me librin që flet, ti bëhesh shikues i korridës spanjolle, realizon safarin afrikan, njihesh me kaubojtë dhe indianët, rrëshqet me slitën ku janë mbrehur qentë eskimezë dhe udhëton me gondolën veneciane.