365 rrëfenja para gjumit, libri i dytë

Titulli: 365 rrëfenja para gjumit, libri i dytë (kopertinë e trashë)
Origjinali: 365 rrëfenja para gjumit, libri i dytë
Gjinia: Rrëfenja për fëmijë
Shqipëroi: Virgjil Muçi
Shtëpia botuese: Aeditions
Viti: 2012
Fq. 198
Pesha: 1.144 kg.
ISBN: 978-99956-41-49-8

Mbi librin

Mbërriti ora për të ëndërruar! Me këto 365 rrëfenja para gjumit do të njihni të gjitha kafshët të cilat do të bëhen miqtë tuaj më të ngushtë: njihuni me aventurat e tyre plot emocion dhe përgatituni për të ndërmarrë një udhëtim në botën e ëndrrave. Në çdo faqe që do të shfletoni, në çdo stinë që do të shkoni, miqtë tuaj të dashur do t'i takoni. Lexim dhe ëndrra të këndshme!

Fragmente nga libri

Janar – Gëzuar Vitin e Ri

Çfarë po ndodh në pyll sot në mëngjes? Asnjë zhurmë hapash, kurrfarë rrahje flatrash dhe aq më pak as edhe një cicërimë zogu. Gjithkund qetësi! Ndërkohë që dielli ka kohë që ka dalë. S'do mend, jo ndonjë diell i madh e i verdhë, por një i vockël e i mbuluar me re që ngjajnë si dantella...

-Eh, e di unë, - thotë ketri Raul, teksa kërcen nga një degë në tjetrën. – Sot është 1 janari! Bota mbarë ia ka marrë me gjumë... Për çdo vit ndodh e njëjta gjë. Bota mbarë ia ka marrë me gjumë... E megjithatë, mua ma ka ënda kur gjithçka lëviz, shushurin e fërfëllin në pyll... Veç kësaj kam edhe një surprizë...

Janar – Gëzimi i Raulit

Rauli zbret nga pisha dhe e mban vrapin drejt e te strofulla e vogël e lepujve që i ka miq për kokë. Dhe, pa trokitur në derë, zë e çirret me sa ka në kokë:
-Ehej! Miqtë e mi, jam unë, Rauli!Sa hap e mbyll sytë, Leoja, më i madhi i lepujve, nxjerr turiçkat.
-Ç'të ka hipur në kokë që ulëret kështu qysh në pikë të mëngjesit? – i shkrehet me tërsëllimë Leoja. – Do të zgjosh tim atë dhe dhjetë vëllezërit e mi. Kemi kërcyer gjatë gjithë natës.
-Kam një surprizë të mrekullueshme, - ia kthen Rauli, teksa nuk e mban vendi. – Eja ta shohësh me sytë e tu.