Titulli: Gusht 1914, vëllimi i dytë
Origjinali: Август 1914
Gjinia: Roman
Autori: Aleksandër Sollzhenjicin
Shqipëroi: Nikolla Sudar
Shtëpia botuese: Fan Noli
Viti: 2018
Fq. 624
Pesha: 0.781 kg.
ISBN: 978-9928-251-28-2
Mbi librin
Aleksandër Isajeviç Sollzhenjicini (1918 – 2008), ky krijues vigan, me të drejtë konsiderohet si shkrimtari më i madh i letërsisë ruse për shekullin XX dhe vazhdues i denjë i letërsisë klasike të shekullit XIX.
Ruajtja e shpirtit njerëzor në kushtet e totalitarizmit dhe kundërvënia e brendshme ndaj tij, mbështetur në idealin liberal fetar, përshkojnë tërë krijimtarinë e këtij kolosi të letërsisë ruse dhe botërore.
Ciklit të famshëm dhjetëvëllimesh "Rrota e kuqe" i kushtoi njëzet vjet jetë (1971 – 1991). Mbi bazën e një dokumentacioni shumë të pasur analizohen shkaqet e fitores së revolucionit në Rusi: dobësia e pushtetit carist, degradimi i fesë dhe radikalizmi shoqëror.
Më 11 dhjetor të 1998, me rastin e 80 – vjetorit të lindjes, presidenti Boris Jelcin e dekoron me urdhrin e lartë: "Apostull i shenjtë Andrej Përvoznanij" me motivacionin: "Për shërbime të shquara ndaj atdheut dhe për kontributin e madh në letërsinë botërore". Por në mospranimin e tij ai thekson: "Nuk mund ta pranoj urdhrin nga udhëheqja e lartë, e cila e ka shpënë Rusinë në këtë gjendje katastrofike".
Veprimtaria e A. Sollzhenjicinit dallohet për një krijimtari të bollshme, të larmishme dhe shumë të suksesshme. Ajo sot përmblidhet në 30 vëllime dhe është përkthyer në disa gjuhë të botës. Në vitin 1970 autorit i është akorduar çmimi "Nobel" në Letërsi.