Romani i një të pafati, Imre Kertesz

Titulli: Romani i një të pafati

Gjinia: Roman

Autori: Imre Kertesz

Shqipëroi: Arlinda Hovi Dudaj

Shtëpia botuese: Dudaj

Viti: 2004

Fq. 280

Pesha: 0.301 kg

ISBN: 978-9928-4632-1-0

Mbi librin

Pa kurrfarë orvatjeje për t'u shprehur me superlativa, por me "Romanin e një të pafati" Imre Kertesz ka shkruar më shumë sesa një libër. Ka gjetur mjetet më të përkora gjuhësore për të fshehur atë që duket, por që flet shumë.

Aty njeriu gjen dëshminë e pamohueshme se në të vërtetë dhimbja dhe jeta janë një. Përmes brengave dhe hidhërimeve, ai mëson të vërtetën lakuriqe. Brenda fatkeqësisë, ai arrin të nuhasë edhe diçka që i përngjan fatlumësisë.

Mbi autorin

Imre Kertesz lindi në Budapest më 1929. Në vitin 1944 e syrgjynosën në Aushvic dhe u lirua më 1945 në Buhenvald. Që nga viti 1953 ai jeton në Budapest. është shkrimtar në profesion të lirë dhe përkthyes. (Midis të tjerëve ka përkthyer Niçen, Frojdin e Hofmasnthalin).

Ka shkruar romane, tregime, ese dhe pjesë teatrore, për të cilat është vlerësuar me shumë çmime nga kritika letrare. Në vitin 2002, "për një vepër letrare që shpalos një përvojë tepër vetjake ballaz tiranisë së pamëshirshme barbare të historisë" mori çmimin Nobel për letërsinë.