Udhëtim në Europën Lindore, Gabriel Garcia Marquez

Titulli: Udhëtim në Europën Lindore
Origjinali: Viaje por Europa del Este
Gjinia: Kujtime
Autori: Gabriel García Márquez
Shqipëroi: Edlira Hoxholli
Shtëpia botuese: Onufri
Viti: 2016
Fq. 160
Pesha: 0.233 kg.
ISBN: 978-9928-226-17-4

Mbi librin

Për herë të parë në Shqipëri, në një botim ekskluziv, kronika e udhëtimeve të një Gabriel García Márquez – i në moshë të re në vendet socialiste. Një reportazh po aq i jashtëzakonshëm sa "Rrëfimi i një anijehumburi".

"Udhëtim në Europën Lindore" është kronika – dëshmi e udhëtimit të Gabriel García Márquez – it në rininë e tij në vendet socialiste gjatë viteve pesëdhjetë. Në faqet e tij lexuesi do të gjejë, krahas vrojtimeve të shokëve të rrugës, një analizë të mprehtë ku nuk mungon ironia e ngjarjeve sociale dhe politike të kohës.

Udhëtimi në enklavën socialiste fillon me Gjermaninë Lindore dhe vazhdon me Çekosllovakinë, Poloninë, Hungarinë dhe ish – Bashkimin Sovjetik. Aty, ai do të përpiqet të zbulojë fytyrën e vërtetë të komunizmit të realizuar sipas ideve të Leninit: një regjim kafkian që thuajse nuk vihet në pikëpyetje nga një popull i trembur që duket se i nënshtrohet fatit të vet.

I shkruar dhe i botuar pjesë – pjesë në të njëjtën kohë me të famshmin "Rrëfim i një anijehumburi", ky reportazh përbën një tjetër shembull të paçmueshëm pune të vështirë hulumtuese, rigoroziteti historik dhe besnikërie ndaj fakteve të rrëfyera, shtylla të çdo gazetarie cilësore.

Me mjeshtërinë e tij letrare të padiskutueshme, Gabriel García Márquez – i dëshmon edhe një herë prirjen e tij më të thellë: kënaqësinë për të rrëfyer një histori të mirë.