Rruga e dyqaneve të errëta, Patrick Modiano

Titulli: Rruga e dyqaneve të errëta
Origjinali: Rue des boutiques obscures
Gjinia: Roman
Autori:  Patrick Modiano
Shqipëroi: Urim Nerguti
Shtëpia botuese: Buzuku
Viti: 2015
Fq. 224
Pesha: 0.325 kg.
ISBN: 978-9951-08-193-1

Fragment nga libri

Në sheshin Pereire u ulëm në verandën e Hortensiave. Hutes i pëlqente kjo kafene, sepse karriget ishin me thupra, "si dikur".
- Po ju, Gi, çfarë do të bëni? – më pyeti pasi piu një gllënjkë rakie të holluar me ujë.
- Unë? Jam në një pistë.
- Një pistë?
- Po. Një pistë të së kaluarës sime...

E kisha thënë këtë fjali me një ton të fryrë që e bëri të vinte buzën në gaz.
- E kam ditur gjithmonë se një ditë do ta rigjenit të kaluarën tuaj.
Kësaj here, ishte ngrysur dhe kjo më preku.
- Por, Gi, them me vete nëse ia vlen vërtet...
Heshti. Për çfarë ëndërronte? Për të kaluarën e vet?

Mbi autorin

Patrick Modiano (1945) është një nga romancierët më të njohur francezë, edhe pse ai ka krijuar në qetësi dhe paimponueshëm. Çmimi Nobel për vitin 2014, konfirmoi veprën e tij madhore: rreth dyzet tituj, kryesisht romane të shkurtër por me një stil dhe poetikë pikante.

Është fitues edhe i një varg çmimesh letrare: Grand Prix të Akademisë Franceze (1972), Goncourt (1978), Grand Prix të fondacionit Princi Pierre de Monaco (1984), Prix Mondiali të fondacionit Simone dhe Cino del Duca (2010), Çmimin e Shtetit të Austrisë për Letërsi Europiane (2012) etj. Vepra e Modianos është përkthyer në më shumë se 30 gjuhë.