Banner
"Je dhi"- i thosha, shpesh, shpirtit dhe mundohesha të qeshja për të mos ia plasur vajit, "je dhi o shpirt i ngratë; ke uri dhe, në vend që të hash mish e bukë e të pish verë, merr një letër të bardhë dhe shkruan: mish, bukë , verë. Dhe ha letrën".
Titulli: Udhëtim në Malin e Shenjtë
Gjinia: Roman
Autori: Nikos Kazanxaqis
Shqipëroi: Romeo Çollaku
Shtëpia botuese: Zenit Editions
Viti: 2013
Fq. 104
Pesha: 0.131 kg
ISBN: 978-9928-113-18-1
-Zgjohu, bir, zgjohu vetë, para se të të zgjojë Vdekja.
"Je dhi"- i thosha, shpesh, shpirtit dhe mundohesha të qeshja për të mos ia plasur vajit, "je dhi o shpirt i ngratë; ke uri dhe, në vend që të hash mish e bukë e të pish verë, merr një letër të bardhë dhe shkruan: mish, bukë , verë. Dhe ha letrën".
-Zoti edhe duron, ç'i kushton koha atij? Është i pavdekshëm. Po njeriu?
-Edhe ky i pavdekshëm është, u përgjigja; vetëm se jo i gjithi; ajo ç'është e pavdekshme brenda tij, mund të bëjë durim.
-Dallimi ynë i madh, Angjelos, është ky: ti beson se e gjete shpëtimin dhe shpëtove; unë besoj se shpëtim nuk ka dhe, duke e besuar këtë, shpëtova.
Miku im më mbërtheu butësisht për krahu:
-Kij durim, tha, mos u mërzit; shpirtin të kemi shëndoshë, ai mos na u rrëzoftë; se, po u rrëzuan disa shpirtra në botë, bota do të shembet; ata janë trarët që e mbajnë. Janë të paktë, por mjaftojnë.
Më shkundi fort:
-Mbahu, Mesolongj i shkretë! tha dhe qeshi.
Po ma merrte frymën lumturia; u ktheva nga miku im dhe hapa gojën, për t'i thënë: "Ç'lumturi qenka kjo!", por nuk guxova; e dija që po të guxoja, magjia do të prishej. Mbaj mend dikur, në Tajget, mbi Spartë, rreth mbasdites, pashë një dhelpër, tek ecte në majë të gishtave, me qafën tendosur, me bishtin e gufuar përpjetë dhe hidhte sipër gurëve një hije të gjatë në ngjyrë vjollce.
Mbajta frymën se mos më nuhaste dhe ikte; mirëpo, nuk i vura dot fre gëzimit dhe, padashur, më shpëtoi një britmë e vockël; dhelpra e dëgjoi dhe, pa arritur unë të shihja se nga mori, m'u zhduk nga sytë. E tillë më është dukur, ngaherë, edhe lumturia në jetën e njeriut.
Befas, u dëgjua një bisedë dhe disa të qeshura; kishim mbërritur, tashmë, në manastir; dy murgj të majmë rrinin ulur në pezulin e pragut dhe bënin shaka me derëtarin. U ndalëm menjëherë, sikur kishim parë gjarpër; miku im më vështroi, tundi kokën:
-Ishte ëndërr, tha, pandehëm një çast se nuk ka njerëz...
Pas disa ditësh, në Malin e Shenjtë, një oshënar gjysmë i çmendur, kacavarur majë një shpelle sipër detit, më tha një fjalë që më la pa gojë:
-Të të them edhe këtë tjetrën që ta dish, shtoi. Një herë, ishte një mbret i madh, i pashëm, hamës, qejfli, me 365 gra në harem. Vajti një ditë në një manastir, i zuri syri një oshënar: "Sa e madhe sakrifica që je duke bërë!" i tha dhe e vështroi me keqardhje. "Sakrifica jote është me e madhe se imja, o mbret", ia ktheu oshënari. "Si është e mundur? – Po ja, unë bëj fli botën e përkohshme, kurse ti bën fli botën e përjetshme".
Nikos Kazanxaqis mbetet një prej prozatorëve më të mëdhenj të shekullit të kaluar, romancieri, pa dyshim, më i lexuar grek përtej kufijve të gjuhës së vet dhe, me sa është vënë re, ndër më të dashurit për lexuesit tanë.
... Le të kemi parasysh se kur ishte për herë të parë ndër kandidatët kryesorë të çmimit Nobel, ai ende nuk i kishte shkruar ato pesë a gjashtë romanet për të cilët në të ardhmen do t'i nderohej më së shumti emri.
Faqet që i jepen nëpërmjet këtij botimi lexuesit shqiptar, ky stërnip i denjë i El Grekos, i shkroi pak muaj para se vdekja t'i ngrinte frymës së tij vërshimtare më të pakapërcyeshmen e digave. I shkroi duke u mbështetur në ditarin që kishte mbajtur, aty e dyzet e ca vjet më parë, gjatë një udhëtimi në Malin e Shenjtë, së bashku me mikun e tij më të ngushtë, poetin e jashtëzakonshëm, Angjelos Siqelianos.
... Disa nga faqet më të shkëlqyera që la pena e tij. Gjë që shpresoj ta vërejë vetë lexuesi ynë, i cili ka për të gjetur, edhe këtu, Kazanxaqisin që ka njohur dhe temën më të rrahur prej tij: përballjen e vështirë dhe marrëdhënien e ndërlikuar mes njeriut dhe Zotit.
Udhëzues i shkurtër mbi procesin e porositjes së librave nëpërmjet faqes tonë.
Shkarkime (292.13KB)Referenca: SKU000062
Botuesi: Botimet Dudaj
Qëllimi im nuk është të bëj art për art. Duhet të gjej një kuptim të ri në jetë dhe të shprehem. Për të arritur aty, ka tri rrugë: rruga e Krishtit - e paarritshme; rruga e Shën Palit; rruga e artit dhe e filozofisë - Tolstoi, Niçe. Zgjodha të tretën, ndaj ajo që shkruaj s'do të jetë kurrë e përsosur nga pikëpamja artistike, pasi imagjinata ime i kalon...
Referenca: SKU000405
Botuesi: Albin
Niko Kazanxaqis lindi më 1883 në qytetin antik të Heraklionit, në ishullin e Kretës. Më 1906 diplomohet për drejtësi në Universitetin e Athinës dhe më pas ndjek studimet për filologji e filozofi në Paris. Ndërkohë debuton në letërsi dhe fiton emër si autor tregimesh, dramash, esesh filozofike etj.
Referenca: SKU001854
Botuesi: Toena
Niko Kazanxaqis lindi në vitin 1883 në Iraklia, Kretë. Ai u dplomua për Drejtësi në Universitetin e Athinës e më pas për Filozofi në Paris. Ka jetuar sa në Paris aq edhe në Berlin, Itali, Rusi, Spanjë, Qipro, Greqi, Egjipt, Çekosllovaki, Kinë dhe Japoni. Ai ishte një ithtar i Leninit, por nuk ishte një konsekuent komunist në formim.
Botuesi: Te tjere
"Ç'do të thoshe ti po të kisha vrarë dikë?" Mendova se po bënte shaka, ose që po ma bënte këtë pyetje për shkak të romaneve policorë që e kishte zakon t'i lexonte. Madje nuk lexonte gjë tjetër. Kushedi, mbase në ndonjërin prej romaneve, një grua i bënte të njëjtën pyetje të fejuarit të vet.
Botuesi: Botime Nazarko
Kjo përmbledhje me pesë tregime nga periudha më e hershme e Thomas Mann përfshin tregimet Zotëria i vogël Fideman, Palaçoja, Lumturia, Luiz Heni dhe Si u rrahën Japeja dhe Do Eskobari. Këto tregime janë eksperimentale për nga natyra dhe i paraprijnë shumë prej temave për të cilat Mann u bë më vonë i famshëm.
Referenca: SKU001942
Botuesi: Argeta LMG
Rënia nuk është as novelë, as roman, as pjesë teatrale, e megjithatë, është të gjitha nga këto, qëndron, ndoshta, si kryevepra e shkrimtarit.
Referenca: 2204
Botuesi: Argeta LMG
Titulli: Zoti PresidentOrigjinali: El Sanator PresidentGjinia: RomanAutori: Miguel Anhel AsturiasShqipëroi: Petro ZhejiShtepia botuese: Argeta-LMGViti: 2009Fq. 320Pesha: 0.38 kgISBN: 978-99956-17-33-2
Botuesi: Albas
Akoma më e ankthshme bëhet gjendja, kur i bie në dorë ditari i saj. Kjo vdekje e mistershme do të bashkojë përjetë katër miq: personazhin kryesor, Kurtin, Edgarin dhe Georgun, të cilët së bashku do përpiqen t'u bëjnë ballë përndjekjeve, spiunimit, dhunës dhe mungesave të panumërta.
Botuesi: Zenit Editions
Si brenda dy trikëndëshash barabrinjës të mbivendosur: Guxim, Qëndresë, Dyluftim. Arma mjet: dinamit kundër padijes, nënshtrimit, shkrehjes, lëshimit, bindjes së verbër, si dhe shpërfilljes ndaj epidemisë që shfaros kulturën, kudo ku simptoma shfaqet. Tipari themelor përmbajtësor: kundërvënia e të kundërtave, por: nën finalitetin për t’i bërë bashkë ato...
Botuesi: Fan Noli
Ruajtja e shpirtit njerëzor në kushtet e totalitarizmit dhe kundërvënia e brendshme ndaj tij, mbështetur në idealin liberal fetar, e përshkojnë tërë krijimtarinë e këtij kolosi të letërsisë botërore.
Botuesi: Botimet Dudaj
Tregimet e saj me shpërfaqje të plotë të sjellin në mendje tregimet dhe novelat e Henri Xhejmsit dhe Tolstojit. Njëlloj si tek ata, tregimi i saj është madhështor, i mprehtë dhe nuk e kursen detajin e brendshëm dhe të kontekstualizuar. Fabulat e shtrira dhe shtjellimi i personazheve në shtresëzime të shumta afirmojnë kompleksitetin e pathjeshtëzueshëm të...
Referenca: SKU000594
Botuesi: Te tjere
Është një roman plot me teprime gjeniale, me një fantazi moskokëçarëse e me një potencë figurative marramendëse - një vepër detajesh madhështore dhe e një kompozimi të rrallë.
Referenca: 2661
Botuesi: Skanderbeg Books
Mercier dhe Camier na ftojnë në udhëtim. Viset që ata do të përshkojnë, një ishull që nuk i përmendet emri, njihet fare lehtë. Është Irlanda, e përshkruar këtu në një mënyrë të mrekullueshme, me bokërrimat dhe shkurrajat e saj, me krahët e porteve të lëshuar si për të përqafuar detin, me shtigjet përmes baltës së kënetave, me digat e kanalit të Dublinit.
Botuesi: Botime Nazarko
Tonio Kregëri është një novelë pjesërisht autobiografike nga Thomas Mann, fillimisht e botuar në vitin 1903. Novela eksploron problemin e artitstit i cili, në përkushtim me zanatin e vet, përballet me antitezën e shpirtit dhe të jetës.
Botuesi: Fan Noli
Veprimtaria e A. Sollzhenjicinit dallohet për një krijimtari të bollshme, të larmishme dhe shumë të suksesshme. Ajo sot përmblidhet në 30 vëllime dhe është përkthyer në disa gjuhë të botës. Në vitin 1970 autorit i është akorduar çmimi "Nobel" në Letërsi.
Botuesi: Berk
Libri lexohet me një frymë e madje të grish t’ua lexosh miqve me zë të lartë. Ndonëse duke lexuar therja e ironisë shkon deri aty sa t’i bëjë dialogjet të duken të stisura, çdo dialog bazohet mbi fakte dhe deponime konkrete.
Botuesi: OMBRA GVG
Në qendër të romanit "Vdekje nga uji" është romancieri Kogito Choko, që ka vendosur të shkruajë historinë e mbytjes në lumë të babait të tij. Në mendje prej kohësh i vërtitet pyetja pse babai i tij kishte dalë për "shëtitje me varkë" në lumë të rrëmbyeshëm në një natë stuhie.
Botuesi: Pegi
Në qendër të librit është një vajzë e re, Dini, rreth së cilës, përveç frymës së një moderniteti të ri dhe gjithëpërfshirës, vërtiten histori dashurie. Përqendrimi te familja Çerëll ka sjellë një frymëmarrje të re dhe freski, një ritëm të ri, aq sa trilogjia është tejet e këndshme.
"Je dhi"- i thosha, shpesh, shpirtit dhe mundohesha të qeshja për të mos ia plasur vajit, "je dhi o shpirt i ngratë; ke uri dhe, në vend që të hash mish e bukë e të pish verë, merr një letër të bardhë dhe shkruan: mish, bukë , verë. Dhe ha letrën".
