Cdo gje qe kam e mbaj me vete, Herta Muller

Titulli: Çdo gjë që kam e mbaj me vete
Origjinali: Atemschaukel
Gjinia: Roman
Autori: Herta Müller
Shqipëroi: Sokol Mici
Shtëpia botuese: Tirana Times
Viti: 2010
Fq. 276
Pesha: 0.35 kg
ISBN: 978-99956-84-79-2

Mbi librin

Romani "Çdo gjë që kam e mbaj me vete" i Herta Müller është ngjarje. Në një roman poetik të jashtëzakonshëm, ajo tregon për fatin e një të riu nga Transilvania e Rumanisë në një kamp pune rus.

Fragment nga libri

Si mbarova së lidhuri këpucët alpine zura vend në tryezë për të pritur mesin e natës. Erdhi mesnata, po patrulla s'po dukej ende. Na u desh të prisnim tri orë të padurueshme derisa më në fund ata erdhën. Nëna më mbajti të vishja pallton me jakë kadife. Qante.

Unë vesha dorashkat e gjelbra. Te korridori i drunjtë, pikërisht atje ku është ora me gaz, gjyshja më tha: "E di, do kthehesh përsëri". Këtë fjali nuk e kam mbajtur mend me qëllim. I shkujdesur e mora me vete në kamp. As vetë nuk e dija se do të më shoqëronte. Po një fjali e tillë është e pavarur. Më ka mbajtur gjallë më shumë se gjithë librat që kisha marrë me vete. "E di, do kthehesh përsëri" ishte bashkëpunëtore e lopatës zemër dhe kundërshtare e engjëllit të urisë. Meqënëse arrita të kthehem kam të drejtë të them: Një fjali e tillë të mban gjallë.

Komente mbi librin

"Vepra e saj, fuqia e së cilës ushqehet nga tmerri, është në të njëjtën kohë e pasur me bukuri dhe një fat i madh për lexuesin."

Volker Weidermann, Frankfurter Allgemeine Sonntagszeitung

"Një leksion që të këput shpirtin, të bën të përulur dhe modest."

Felicitas von Lovenber, Frankfurter Allgemein Zeitung

Mbi autoren

Herta Müller është një shkrimtare gjermane me origjinë rumune, e lindur me 1953 në një qytet gjermanishtfolës, në Banat. Pas shkollës së mesme, Müller studion për letërsi gjermanike dhe rumune në universitetin e Timishoaras. Më 1976 punon si përkthyese në një uzine mekanike, por pushohet nga puna pas tre vjetësh, pasojë e një mospranimi për të bashkëpunuar me Sigurimin e Shtetit.

Librat e saj të parë censurohen nga regjimi i Çausheskut, deri në ndalimin e plotë për të mos botuar më në Rumani. Më 1987, mërgon në RFGJ, së bashku me të shoqin, shkrimtar. Që nga 1995, ajo është anëtare e "Akademisë gjermane për gjuhën dhe letërsinë".