Qiell i lene pergjysme, Tomas Transtromer

Titulli: Qiell i lënë përgjysmë
Gjinia: Poezi
Autori: Tomas Tranströmer
Shqipëroi: Natasha Lako
Shtëpia botuese: Aleph
Viti: 2011
Fq. 114
Pesha: 0.17 kg
ISBN: 978-99956-819-9-4

Komente mbi veprën

"Më vjen vërtet keq që nuk mundem ta lexoj në origjinal këtë poet të vërtetë, të fuqishëm, të errët, meditativ. Shpresoj që një ditë ta kujtoj sërish atë goditje, atë thes vërtitës sipër koke. Nëse do të më mbeten sytë tek ato lëkundje dhe gjethet mbi fletë , kjo do të jetë falë Tranströmer - it dhe poezisë së tij. Dhe ka kaq shumë lirika që mund t'i kesh me vete në kohë të këqija: "Merr varrin tënd dhe shko", thotë një poezi, që përkthen Jezusin në një prej thënieve të paharrueshme të tij. Tranströmer mbetet një poet stoik, i fuqishëm nëpërmjet të cilit ne kuptojmë sesi poezia, në kushtet më të pamendueshme, e vesh kaq butë ndërgjegjen me një "kapelë të butë leshi të ndritur" me formë të besueshme."

Helen Vendler

"Tomas Tranströmer është një prej poetëve të mëdhenj të epokës sonë me një inteligjncë të pashembullt."

Josif Brodskij

"Askush si Tranströmer nuk ëhtë zhytur kaq thellë në psiqikën njerëzore dhe të ketë dalë në sipërfaqe me këto mrekulli lirike."

Seamus Heaney

Mbi autorin

Tomas Tranströmer ka lindur në vitin 1931 në Stokholm. I ati, Gosta Tranströmer, ka punuar si gazetar. Prindërit Gosta dhe Helmy divorcohen kur Tomas është në moshë të re dhe poeti i ardhshëm e takon shumë rrallë të atin.

Në moshën 20 - vjeçare fillon studimet në universitetin e Stokholmit dhe diplomohet në psikologji. Që nga viti 1956 deri në vitin 1960 punon në universitetin e Stokholmit në fakultetin e psikologjisë, kohë kur fillon botimet e para. Për një periudhë të shkurtër ka qëndruar si psikolog pranë Qendrës së Rehabilitimit të të Rinjve të Kriminalizuar.

Për një kohë të gjatë ka jetuar në qytetin Vesteros, prej nga emri i tij merr përmasat e një poeti të madhe botëror. Ka fituar disa çmime letrare. Më 28 Nëntor 1990, pas një paralize të pjesshmë cerebrale, Tomas Tranströmer ka humbur të folurën, por nuk ka reshtur së botuari me ndihmën e bashkëshortes, Monika.

Është domethënës fakti që kompozitorë të njohur suedezë, përveçse kanë kompozuar vepra mbi krijimtarinë e Tranströmer - it, kanë shkruar edhe shumë pjesë që luhen me dorën e majtë, enkas për të. Sot, poezitë e tij janë përkthyer në mbi pesëdhjetë gjuhë të botës. Tomas Tranströmer është fitues i çmimit "Nobel" në 2011.