Titulli: Teatri & kinematografia shqiptare
Origjinali: Teatri & kinematografia shqiptare
Gjinia: Art, enciklopedi
Autori: Josif Papagjoni
Shtëpia botuese: Toena
Viti: 2009
Fq. 560
Pesha: 0.947 kg.
ISBN: 978-99943-1-456-0
Mbi librin
Kjo enciklopedi përfshin individualitetet e spikatura të teatrit dhe kinematografisë shqiptare në hapësirën mbarëkombëtare: Shqipëri, Kosovë, Maqedoni etj, sikundër dukuri e procese të zhvillimit të tyre historik, vlerësime për gjedhe, lloje e komponentë të veçantë të këtyre dy arteve, pajisur me burimet e domosdoshme bibliografike.
Në të përfshihen mbi 800 njësi sikundër edhe foto përfaqësuese. Si parim prijës është patur parasysh që zërat, artikujt, njësitë enciklopedike të zotëroheshin nga kahu sintetizues mbi vlerat, veçantitë, stilin, profilin dhe anët mëvetësuese të këtij apo atij artisti, institucioni, lloji, gjinie e zhanri teatror e kinematografik, deri te mëtimi për përvijime sa më lakonike mbi vepra përfaqësuese (filma, drama, shfaqje teatrore, role, zgjidhje skenografike etj).
Diferencimi i kontributeve dhe i individualiteteve, përpos meritave të drejtpërdrejta, është realizuar edhe falë volumit shkrimor që zë çdonjëri syresh, me rrekjen për të krijuar një hierarki sa më pranë të vërtetës.
Nga ana tjetër, për të përfshirë në lëndën e kësaj enciklopedie edhe vlera në afirmim e sipër, janë sjellë gjithëpoaq emra artistësh të cilët kanë dhënë apo japin ndihmesën e tyre në zhvillimet e teatrit dhe kinematografisë shqiptare, posaçërisht këtyre të fundme.