Kultura e çajit në Rrugën e Mëndafshit, Eda Merepeza

Titulli: Kultura e çajit në Rrugën e Mëndafshit
Gjinia: Kulturë
Autori:  Eda Merepeza
Shtëpia botuese: Onufri
Viti: 2018
Fq. 172
Pesha: 0.342 kg.
ISBN: 978-9928-261-13-7

Mbi librin

Në fillim ishte gjethja. Pastaj u shtua uji. Dhe njerëzimi njohu çajin. Nëse mrekullitë e botës do të ishin dhe ushqimore, çaji duhet të ishte në krye të listës. Sepse një filxhan çaji sfidon botën kaotike, si pjesë e filozofisë së jetës.

"Vafshin të gjithë në djall, unë kam çajin tim," shkruante dikur Dostojevski. Ndoshta sepse çaji, si shoqërues i heshtur i vetmisë, krijon atmosferë. Por çaji është një mik i mirë edhe i bisedave tona.

Prej mijëravjeçarësh njerëzimi ka mësuar se dijet dhe këshillat, dashuria dhe mbështetja, lajmet apo thashethemet, do të ishin më të këndshme në shoqërinë e një filxhani çaji.

Një guidë për çajin, këtë gjethe të artë të Kinës, shuan kureshtinë e njerëzve të moshave apo shtresave të ndryshme. Çaji për kinezët është si kafeja për italianët, vepra për francezët, birra për gjermanët dhe purot për kubanët.

Kinezët prej 5 mijë vjetësh shuajnë etjen me ujë, largojnë hidhërimin me verë dhe forcojnë shëndetin fizik dhe mendoj me çaj. Gjithmonë është koha për të pirë çaj, mrekullisë së të cilit i janë thurur vargjet:

I lexova gjethet e çajit
Sikur të ishin fjalë
Të mbetura pas një bisede
Mes dy filxhanëve...