Virgjërat e përbetuara, Anton Kole Berishaj

Titulli: Virgjërat e përbetuara, jeta ndërmjet detyrimit dhe vetëflijimit (kopertinë e trashë)
Gjinia: Shkenca sociale
Autori: Anton Kolë Berishaj
Shtëpia botuese: Prishtinë
Viti: 2016
Fq. 368
Pesha: 0.801 kg.
ISBN: 978-9951-615-58-7

Mbi librin

Temat e veçanta, përveç qasjes, kërkojnë edhe interes e përkushtim të veçantë. Ky është rasti i autorit dhe librit të cilin e kemi në dorë. Anton Kolë Berishaj shqyrton fenomenin i cili në shikim të parë duket se rri në margjinat ose periferitë shoqërore, por nga mënyra e trajtimit, del se kemi të bëjmë me një çështje e cila prek nervin qendror të jetës njerëzore.

Virgjërat e përbetuara, tashmë nuk janë temë e virgjër. Autorë të huaj dhe vendorë, antropologë, etnologë, shkrimtarë, publicistë e madje edhe regjisorë filmash kanë shkruar për këtë çështje duke u nisur prej perspektivave të ndryshme, herë duke i paraqitur si kuriozitet, herë si ekzotikë, herë si relikt, e herë si diçka anakronike.

Shndërrimi simbolik i gruas në burrë është njëfarë enigme, e libri mëton të gjej kodin e saj duke u nisur nga vetë subjekti (emërtimi). Virgjërat e përbetuara as nuk janë detyrimisht të virgjëra, e as detyrimisht të betuara – shkruan autori.

Kësaj goditje in medias res nuk mund t'i bëjë ballë argumenti i cili përpëlitet ndërmjet aureolës misterioze të moralitetit abstrakt, nga njëra anë, dhe shtrëngesave sociale konkrete e reale, nga ana tjetër. Me këto të fundit, autori iu vë pritë spekulimeve, trilleve dhe rrëfimeve ekzotike mbi temën në fjalë.