Titulli: Gjuhë dhe identitet në rrjedhë të kohës
Origjinali: Gjuhë dhe identitet në rrjedhë të kohës
Gjinia: Gjuhësi
Autori: Gladiola Durmishaj
Shtëpia botuese: Toena
Viti: 2015
Fq. 352
Pesha: 0.401 kg.
ISBN: 978-9928-4277-7-9
Mbi librin
... Kështu natyrshëm ndodh me Kadarenë, kryezotin e skllavin, sunduesin e rebelin e truallit të vet, që e krijoi si rrallëkush, me mjeshtërinë e gjuhës shqipe, që ai zotëron e përfaqëson denjësisht në botë, dhe aq lehtësisht e bindshëm e pasuron, me mjeshtrin e madh të letrave, njeriun erudit, që padyshim krijoi jo vetëm një truall të tejskajshëm në hapësirën globale, por afirmoi gjuhën dhe identitetin kombëtar të gjeniut në rrjedhë të kohës...
Ky libër, natyrisht thellohet në evidentimin e dukurive fjalëformuese në vepra të ndryshme të autorit. Pavarësisht nga puna e madhe vjelëse, sistematizuese dhe shqyrtuese që na është dashur të ndërmarrim për një kohë bukur të gjatë, mbetet vetëm një sprovë drejt asaj që meriton të nxjerrin në dukje studimet e sotme rreth gjuhës së letërsisë artistike.
Urojmë që nisma, puna dhe zelli ynë të bashkohen e të afrohen në ato rrjedha që ndjekin sot studimet për këtë fushë të gjuhësisë, në mënyrë që, ajo që ndien shkrimtari dhe veprimtaria gjuhëruajtëse e gjuhëpërpunuese e mjeshtërve të mëdhenj të fjalës shqipe, t'i shërbejë edhe më mirë nxjerrjes në pah të hireve dhe vlerave të gjuhës shqipe.
Gjithsesi, nuk ngurojmë të theksojmë se libri do t'i vijë në ndihmë modeste lexuesit në përgjithësi, si dhe studentëve të auditorëve të Universitetit të Vlorës, në veçanti degës së gjuhës shqipe dhe letërsisë, në shfrytëzimin e literaturës së bollshme rreth çështjeve të ndryshme, që lidhin një shkrimtar të përmasave gjeniale me gjuhën, kryesisht, me fjalëformimin, si dhe shumë diskutime që dalin rreth mënyrave të ndryshme të fjalëformimit në trajtimin bashkëkohor gjuhësor.