Dekorimet, nga Princ Vidi deri sot, Filip Rrumbullaku

Titulli: Dekorimet, nga Princ Vidi deri sot (kopertina e trashë)
Origjinali: Dekorimet, nga Princ Vidi deri sot
Gjinia: Medalje
Autori: Filip Rrumbullaku
Shtëpia botuese: Onufri
Viti: 2010
Fq. 296
Pesha: 0.772 kg.
ISBN: 978-99943-42-80-8

Fragment nga libri

Shteti... që ndodhet ndërmjet meritës si vlerë e veçantë dhe dekoratës si një mjet nderimi – e akordon këtë të fundit vetëm kur ajo meritohet në mënyrë të padiskutueshme. Në këtë rast, ai mban një qëndrim aktiv dhe promovues ndaj meritës. Është e nevojshme që të mbahet ky qëndrim, sepse është në interesin e shtetit të falënderohet e t'i shprehet mirënjohja shtetasit me merita.

Kjo është një detyrë jo komode, pasi kërkohet të bësh dallimin, kur nuk është dhe aq e lehtë për ta bërë atë; kërkohet të veçohet më i miri, kur pak prej nesh e pranojnë se nuk bëjnë pjesë te më të mirët; kërkohet të përcaktosh atë që ka merita, kur secili nga ne mendon se ka më shumë merita se të tjerët; kërkohet të marrësh vendimin për të dhënë një dekoratë, kur të gjithë mendojnë se u takon ajo.

Kur shteti njeh, identifikon dhe vlerëson dekorimin vetëm në raport me meritën, atëherë ai kryen një detyrë të rëndësishme, paçka se ajo mund të quhet honorifike.