Komunitete imagjinare, Benedict Anderson

Titulli: Komunitete imagjinare, reflektim mbi origjinën dhe përhapjen e nacionalizmit
Origjinali: Imagined Communities: Reflections on the Origin and Spread of Nationalism
Gjinia: Shkenca politike
Autori: Benedict Anderson
Shqipëroi: Brenton Kotorri
Shtëpia botuese: Dy Lindje & Dy Perëndime
Viti: 2013
Fq.268
Pesha: 0.321 kg.
ISBN: 978-99956-06-50-3

Koment nga autori

Kush do ta kishte menduar se sa më larg parajsës të jesh, aq më fort fryn era? Konfliktet e armatosura të 1978 – 79 në Indokinë, të cilat siguruan rastin e volitshëm urgjent për tekstin origjinal të "Komunitete imagjinare", duken tashmë vetëm dymbëdhjetë vite më pas, sikur i përkasin një epoke tjetër.

Më pas unë rashë pre e perspektivës në shkallë të gjerë, të luftës midis shteteve socialiste. Tani gjysma e këtyre shteteve i janë bashkuar copëzave të tjera, e pjesa tjetër friket se do t'i ndjekë. Luftërat me të cilat përballen të mbijetuarit janë luftëra civile. Gjasat janë të forta se me hyrjen në mijëvjeçarin e ri, shumë pak do të na mbesë prej Republikave Socialiste Sovjetike përveç se... Republikat.

A duhej që në njëfarë mënyre kjo të ishte e parashikuar? Më 1983 unë shkrova se Bashkimi Sovjetik ishte po aq trashëgimia e shteteve dinastike parakombëtare të shekullit të XIX – të, sa edhe pararendës i shoqërisë ndërkombëtare të shekullit të XX – të.

Por, teksa gjurmova shpërthimet nacionaliste që shkatërruan sferat shumëgjuhëshe dhe shumetnike të cilat sundoheshin prej Vjenës, Londrës, Kostandinopojës, Parisit dhe Madridit, unë nuk munda të shihja se treni ishte zgjatur deri në Moskë. Është një ngushëllim melankolik të vëzhgosh se historia duket sikur nxjerr në pah "logjikën" e Komuniteteve Imagjinare më mirë nga çka mundur vetë autori.