Filmkultura, Bela Balazs

Titulli: Filmkultura
Origjinali: Filmkultura
Gjinia: Kinematografi
Autori: Bèla Balázs
Shqipëroi: Kristaq Dhamo
Shtëpia botuese: Albin
Viti: 2008
Fq. 316
Pesha: 0.392 kg.
ISBN: 978-99943-49-21-0

Mbi autorin

Bela Balazh renditet ndër personalitet më të shquara të kulturës hungareze në veçanti dhe estetët e artit filmik në shkallë ndërkombëtare. Lindi më 1884 në Seged (Hungari) dhe qysh në të ri e tërhiqnin filozofia dhe estetika. Pas laurimit për filozofi në Universitetin e Budapestit (1909) punoi dhe krijoi në: Hungari deri më 1919, në Vjenë e Berlin në vitet 1920 – 1933, në Moskë në vitet 1934 – 1945, vit në të cilin u kthye në Hungari ku jetoi dhe punoi deri në fund të jetës, gusht 1949.

Bela Balazh është i njohur botërisht si një ndër më të parët dhe më të rëndësishmit estetë të kinemasë e ndërkohë një personalitet i veçantë dhe i gjithanshëm i kulturës hungareze: poet, tregimtar, romancier, skenarist, regjisor, kritik. Qysh në veprat e tij të para estetike dhe në krejt krijimtarinë e tij u bë flamuri i përpjekjeve të të gjithë atyre që e cilësonin si art dhe luftonin për njohjen e të veçantave të tij artistike.

I përcillte studimet e tij me një entuziazëm fanatik, me pasionin e profetit të dashuruar pas artit të ri, me një veshje tërheqëse të stilit estetik, plot aforizma dhe një polemikë luftarake. "Filmkultura" që i jepet sot lexuesit shqiptar është një nga veprat e tij më të shquara. Ajo përbën një sintezë të plotë të mendimit estetik për gjuhën e filmit dhe mjetet filmike që nga fillimet e deri në mesin e shek. XX – të, shkruar me një gjuhë dhe formë tërheqëse, një nga veprat më të rëndësishme përsa i përket njohjes si art dhe të edukimit me njohuritë themelore të gjuhës së filmit.

Në një kohë kur në vendin tonë mungonin tërësisht literatura për teorinë dhe estetikën e filmit, "Filmkultura" e Bela Balazh me siguri do të mirëpritet dhe do t'u vlejë si specialistëve dhe punonjësve të fushës përkatëse, ashtu edhe lexuesve të gjerë.