• Banner

  • Ka mbaruar

Kelthitja dhe mllefi, Uiliem Fokner

Romani "Këlthitja dhe mllefi" i Uiliem Foknerit u botua për herë të parë në vitin 1929 dhe përshkruan në disa retrospektiva rënien e familjes dikur të fuqishme Kompson nga shtetet jugore.

800 Lekë
Sasia
Ka mbaruar

Përshkrimi

Titulli: Këlthitja dhe mllefi (kopertinë e trashë)
Origjinali: The sound and the fury
Gjinia: Roman
Autori: Uiliem Fokner
Shqipëroi: Abdullah Karjagdiu
Shtëpia botuese: Koha Ditore
Viti: 2005
Fq. 288
Pesha: 0.373 kg
ISBN: 84-9819-043-6

Mbi librin

Romani "Këlthitja dhe mllefi" i Uiliem Foknerit u botua për herë të parë në vitin 1929 dhe përshkruan në disa retrospektiva rënien e familjes dikur të fuqishme Kompson nga shtetet jugore. Ngjarja rrëfehet katër herë nga këndvështrime të ndryshme: nga babai alkoolist, nga i biri i tij i sëmurë mendërisht, nga vajza e pjekur herët dhe në fund nga një rrëfimtar i gjithëdijshëm.

Në këtë kronikë të dështimit nuk ka kapituj. Në vend të tyre figurojnë vetëm emrat e protagonistëve. Titulli i librit rrjedh nga "Makbethi" i Shekspirit: "Jeta... s'është gjë tjetër përveçse një tregim i rrëfyer nga një idiot, plot me këlthitje dhe mllef, që s'do të thotë asgjë".

"Këlthitja dhe mllefi" konsiderohet ndër romanet më të rëndësishme të letërsisë amerikane. Në përgjithësi, Fokneri këtu provon që përmes formës eksperimentale të rrëfmit të prezantojë përvojën shumështresore të njeriut dhe kundërshtitë e raporteve ndërnjerëzore.

Ata që nuk e njohin veprën e Foknerit mbase ende nuk dinë asgjë për delirin e leximit. Pothuajse si asnjë autor tjetër i shekullit të XX – të, Fokneri ka krijuar një kozmos të figurave të veçanta, të cilat ai kurrë nuk i përbuz. Shumica e tyre janë vrasës, prostituta, vjedhës dhe arrivistë të dështuar.

Fragment nga libri

Po afroheshin. Unë e hapa portën ndërsa ato u ndalën duke kthyer kokën në anën tjetër për t'i thënë diçka, mirëpo ajo këlthiti, kurse unë përpiqesha gjithnjë të them diçka, ndërsa trajtat e shkëlqyeshme zunë të ndalen dhe unë u përpoqa të dilja. U rropata t'u shporrem atyre trajtave, ta fsheh fytyrën time, mirëpo ato trajta të bardha po vërtiteshin përsëri rreth meje.

Ato po i qepeshin kodrës prej nga rrokulliseshin kurse unë, i trembur, orvatesha të bërtisja. Por, si mora frymë mirë, u mbusha me frymë, vura re se nuk mund të lëshoja zë dhe u ruajta që të mos rrokullisesha tatëpjetë kodrës e të mos plandosesha në ato trajta të bardha, gjeratore.

Hej, kungull, tha Lasteri. Ja ku po vijnë disa. Mos rënko e mos bëj avaz. Ato iu afruan flamurit. Ai e nxori flamurin, ato e qëlluan atë, kurse ai përsëri e ktheu flamurin në vend.

Mbi autorin

Uiliem Fokner lindi më 15 shtator 1897 në Nju Albani, Misisipi, SHBA. Ai rrjedh nga një familje që ka dhënë guvernatorë, gjeneralë dhe shtetarë, por për shkak të luftës civile amerikane, ajo përfundoi në varfëri të thellë.

Pas Luftë së Parë Botërore, gjatë së cilës Fokneri u angazhua në aviacionin luftarak kanadez dhe dy herë u rrëzua në Francë, nga të cilat pësoi lëndime të rënda, u kthye në Amerikë. Në atdhe s'e priste as lavdia, as puna, as dashuria. Vetëm letërsia.

"Unë jam një fshatar i cili rrëfen me qejf", thoshte Fokner me modesti. Më 1949, ai u shpërblye me çmimin Nobel për veprën e tij letrare. Fokneri vdiq më 6 korrik 1962.

Detajet e librit
Koha Ditore
SKU000435
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: SKU000310

Botuesi: Botimet Dudaj

Nje trendafil per Emiline, William Faulkner

Është veç një fjalë goje të thuash se njeriu është i pavdekshëm vetëm sepse ai do të mbijetojë. Kur të ketë kumbuar tiktaku i mbramë i fundit të botës, pasi të jetë shuar me shkëmbimin e sprasëm e krejt të pavlerë të përshkënditjes së mbrëmjes së fundit.

Çmimi 550 Lekë
More
Artikujt e fundit në gjendje

Referenca: SKU001325

Botuesi: Te tjere

Dublinasit, James Joyce

Nga tregimi në tregim parakalojnë portrete personazhesh, mosha e të cilave lëviz nga fëmijëria tek adoleshentët, nga rinia te pleqtë, por edhe te të vdekurit. Një pjesë e personazheve janë jetimë, me gjysh e pa baba.Pothuaj të gjitha tregimet mbyllen papritmas, me ndonjë fjali të pa artikuluar mirë. Vendodhja e tregimeve është Dublini dhe, po të...

Çmimi 750 Lekë
More
Ka mbaruar

Referenca: 2338

Botuesi: Zenit Editions

Uliksi, James Joyce

Megjithë përthyerjet që pëson gjatë përkthimeve ( dhe natyrisht çdo përpjekje për t'i konvertuar dredhitë idiosinkratike të Joyce – it nuk shkojnë larg) Uliksi ka patur në letërsi një efekt që s'mund të krahasohet.

Çmimi 1 500 Lekë
More
Ka mbaruar
Përshtypjet (0)