Titulli: Pasionet e mëdha të Martinës, vëllimi i parë (kopertina e trashë)
Origjinali: Martine, super passions!
Gjinia: Roman
Autori: Gilbert Delahaye, Marcel Marlier
Shqipëroi: Anida Kisi
Shtëpia botuese: Pegi
Viti: 2015
Fq. 106
Pesha: 0.533 kg.
ISBN: 978-9928-200-21-1
Mbi librin
Në këtë vëllim janë paraqitur pesë tregime mbi Martinën: Martina mëson të notojë, Martina balerina, Martina lundron me barkë me vela, Martina kalorësja dhe Martina mëson biçikletën.
Fragmente nga libri
Martina mëson të notojë
Të notosh nuk është më e vështirë sesa të ngasësh biçikletën. Mjaft t'i marrësh dorën. Sigurisht që ka edhe mësime noti. Po të doni të ndiqni mësimet e notit dhe mami është dakord, regjistrohuni në "Klubin e Tritonëve" me Martinën. Në shumicën e rasteve regjistrimi kryhet kështu:
- Mirëdita! – thotë zotëria. – Si quhesh?
- Unë quhem Martina. Kam shumë dëshirë të mësoj notin.
- Sa vjeçe je?
- Unë jam 7 vjeçe.
- Shkëlqyer... Tamam në kohë, sapo do të fillonim ushtrimet. Zgjidh një kabinë zhveshjeje dhe eja bashkohu me ne sa më shpejt.
Martina balerina
Një ditë, Martina i thotë mamit të saj:
- Sa dëshira kam të kërcej si shoqja ime, Fransuaza! Besoj se mund t'ia dal.
- Ti e di që nuk mund të bëhesh balerinë brenda një dite.
- Nuk ka gjë, do të mësoj.
- Duhet të shkosh në shkollën e baletit.
- Po të jetë dakord edhe babi, do të shkoj të regjistrohem, - u përgjigj Martina.
Martina lundron me barkë me vela
Martina i shkruan shoqes së saj Fransuazës: "Jam në Shkollën e Pulëbardhave. Po mësojmë të lundrojmë me barka me vela. Orari i çdo dite: në mëngjes gjimnastikë, njohuri teorike dhe praktike. Pasdite, lundrim me barkë ose ushtrime. Shtrihemi herët për të fjetur, sepse duhet të ngrihemi herët. Asnjëherë nuk mërzitemi në Shkollën e Pulëbardhave."
Martina kalorësja
Martina ka ardhur të marrë mësime kalërimi te xhaxha Filipi, i cili merret me rritjen e kuajve.
- Këta janë paraardhësit e kuajve të mi të racës së pastër, - i thotë xhaxhai duke treguar pikturat e sallonit. Ky këtu është Mustangu, atje është Centauri dhe Ramsesi ll. A nuk janë të mrekullueshëm? Martina, a ke vërtet dëshirë të vizitosh stallat? Po shkoj të thërras kushëririn tënd.
Martina mëson biçikletën
A e njihni rrugën që të çon te ca fshatra të bukura dhe që humbet larg nëpër kodra? Martina do të donte shumë të shëtiste me biçikletë në këtë rrugë. Po ajo ka vetëm një biçikletë me tri rrota. Atë që babai ia bëri dhuratë kur ishte shumë e vogël. Ajo nuk bën më për trupin e saj. Kur pedalin, gjunjtë i prekin te timoni.
