Gjenitë e mendimit, Volta dhe shpirti i robotëve, Luka Noveli

Titulli: Gjenitë e mendimit, Volta dhe shpirti i robotëve
Gjinia: Libër edukativ
Autori: Luka Noveli
Shqipëroi: Teuta Mati
Shtëpia botuese: SHBLSH e re
Viti: 2010
Fq. 112
Pesha: 0.146 kg.
ISBN: 978-99943-2-255-8

Mbi librin

Aleksandër Volta shpiku shumë gjëra, e mbi të gjitha baterinë. Zbulimi që bëri i hapi rrugën mjaft risive teknologjike që bëjnë pjesë në botën e sotme. Në këtë libër, vetë Volta na tregon për jetën e tij midis automatëve dhe makinave elektrike në Europën e viteve 1700. Na tregon edhe për miqësinë me një tjetër personazh të jashtëzakonshëm: Napoleonin.

Të gjithë e dinë se Aleksandër Volta është shpikës i pilës. Pilat sot i kemi në përdorim të përditshëm për shembull te telekomandat, te lodrat elektronike, te fenerët e dorës. Pila ka qenë një nga zbulimet më të jashtëzakonshme të kohës së vet. Ajo shënoi fillimin e kërkimeve mbi elektricitetin si edhe hapi rrugën e shpikjeve të shumta teknologjike.

Këto shpikje, të mëdha ose të vogla bëjnë pjesë në botën tonë të përditshme që nga ndriçimi tek telefonat e deri te robotët. Volta e zbuloi pilën pas shumë gjërave të tjera. Jeta e tij ishte plot ngjarje, të cilat i dhanë udhë të re historisë së njerëzimit. Në këtë libër shtjellohet jeta e Voltës, e treguar nga vetë ai.