Harry Potter dhe Urdhri i Feniksit, J.K. Rowling

Titulli: Harry Potter dhe Urdhri i Feniksit, vëllimi i pestë
Origjinali: Harry Potter and the Order of the Phoenix
Gjinia: Roman
Autori: J. K. Rowling
Shqipëroi: Amik Kasoruho
Shtëpia botuese: Dituria
Viti: 2004
Fq. 720
Pesha: 0.769 kg
ISBN: 978-99927-59-51-6

Mbi librin

Vëllimi i katërt i Harri Poterit na ka lënë me zemër të ngrirë: Lordi Fluronvdekje është kthyer. Çfarë do të ndodhë tani që Zotëria i Errët po bëhet sërish i fuqishëm? Sa vdekje dhe shkatërrime do të mbjellë duke u përpjekur ta shtrijë pushtetin e tij mbi gjithë botën? Edhe Harri Poteri ka ndryshuar. Tashmë pesëmbëdhjetëvjeçar do ta takojmë të përpirë nga zhgënjimi, zemërimi, ankthi dhe rebelimi, tipike për moshën e tij.

Në një nga librat më të mirëpritur në historinë e letërsisë, Rowling nuk resht së na befasuari. Duke endur një tjetër dramë të mrekullueshme, kësaj here arrin t'u japë jetë shqetësimeve të adoleshencës, duke e pasuruar gjithësinë e saj tashmë të mrekullueshme me krijesa dhe personazhe të reja të paharrueshme.

Fragment nga libri

Urtimori i uli duart dhe ia nguli sytë Harrit sipër syzeve në formë gjysmëhëne.-Ka ardhur koha, - pëshpëriti, - të të them atë që duhej të ta kisha thënë pesë vjet më parë. Harri, ulu të lutem. Do t'i mësosh të gjitha. Të kërkoj vetëm pak durim. Do të kesh kohë të bërtasësh... të bësh ç'të duash... mbasi të mbaroj unë. Nuk do ta ndaloj.