Perplasje mbreterish, George R. R. Martin, libri i pare

Titulli: Përplasje mbretërish, libri i parë
Origjinali: A Clash of Kings: Book Two of A Song of Ice and Fire
Gjinia: Roman
Autori: George R. R. Martin
Shqipëroi: Anxhela Çikopano
Shtëpia botuese: Morava
Viti: 2017
Fq. 432
Pesha: 0.606 kg.
ISBN: 978-9928-208-38-5

Mbi librin

Libri i dytë i Eposit të Akullit dhe Zjarrit na çon në një vend të harruar e të mrekullueshëm zhgjakësimesh e hakmarrjeje, magjish e luftërash. Është një rrëfim ku virgjëreshat vallëzojnë me të marrët, vëllezërit komplotojnë kundër vëllezërve dhe të vdekurit ngrihen e ecin në mes të natës, ku princesha maskohet si çunak jetim, ku egërsirat e maleve zbresin nga Bjeshkët e Hënës për të plaçkitur fshatrat.

Gjithçka është çoroditur. Behari i begatisë dhe i paqes, që zgjati plot dhjetë vjet, po mbyllet dhe dimri i akullt e i egër po afrohet si një bishë e xhindosur. Ndërsa në qiell varet një kometë ngjyrë gjaku e flakësh, si një ogur fatkeqësish, gjashtë njerëz luftojnë të shtien në dorë vendin e përçarë.

Biri i Edardit, Robi, e ka shpallur veten Mbret të Veriut. Në jug, Xhofri, që mbahet si trashëgimtari i Robertit, mbretëron veç me emër, por është në dorë të oborrtarëve intrigues e të etur për pushtet të Zbarkimi i Mbretit.

Secili prej vëllezërve të Robertit kërkon të sundojë vetë, ndërsa një derë e mënjanuar befas ngrihet edhe një herë të pushtojë. Në një tjetër kontinent, mbretëresha në mërgim, Mëma e Dragonjve, rrezikon gjithçka për t'i çuar pjellat e saj të çmuara përtej shkretëtirës së zhuritur, si e si të fitojë kurorën, që i takon me të drejtë.

Mbi një pëlhurë gjaktrazimi dhe vëllavrasjeje, alkimie dhe therjesh, çmimi i lavdisë paguhet veç me gjak. Fitorja u buzëqesh veç burrave e grave, që kanë tehun të ftohtë akull dhe zemrën edhe më të akullt. Kur ndeshen mbretërit, nuk ka pëllëmbë toke që të mos e ndiejë tronditjen.

Komente mbi librin

"Një fantazi e vërtetë epike... plot me shkëlqim verbues shpatash e yshtjesh që shkatërrojnë... një banket i vërtetë për oreksmëdhenjtë e fantazisë."

Publishers Weekly

"Libri më i rëndësishëm i fantazisë për këtë dekadë... një libër që të bën vartës."

Denver Post

"Një sagë e shkëlqyer... me një fabul të ndërlikuar gjithë krijimtari."

Bookpage

"Nga ata që ndjekin traditën e madhështisë së fantazisë epike, Martin është pa dyshim më i miri. Në fakt, mund ta themi me gojën plot se ka ardhur çasti ta shpallim Tolkien i Amerikës."

Time