Sekreti i Mhoragës, Shtegu i Ndaluar, vol. 1, Martin Barry

Titulli: Sekreti i Mhoragës, Shtegu i Ndaluar, vëllimi i parë
Origjinali: Le secret de Mhorag, Le passage interdit
Gjinia: Roman
Autori: Martin Barry
Shqipëroi: Vladimir Bako
Shtëpia botuese: Dritan
Viti: 2013
Fq. 338
Pesha: 0.401 kg.

Mbi librin

Brenda linjës së romaneve fantastike, ku e mrekullueshmja dhe mitologjia thuren ngushtë, Sekreti i Mhoragës – Shtegu i Ndaluar – na tërheq në një odise të çmendur, ku shpalosen epoka mesjetare dhe ajo bashkëkohore.

Përbindëshat liqenorë bredhin nëpër thellësitë e liqeneve skoceze, faniten në detet e gjerë dhe rrëshqasin nën ujërat e qeta të liqeneve të ashpra të Irlandës. Këto krijesa gjiganteske, që provokojnë frikë e magjepsje, sidoqoftë janë entitete fisnike, fati tragjik i të cilave është i lidhur ngushtë me atë të qenieve humane, që prej ndërmarrjes së akteve kokëkrisura të një kalorësi norman të shekullit XIII.

Kur djaloshi Xhon Emil Talbot mëson mbi ekzistencën e Ragdanorit – një përbindësh hibrid, njëkohësisht gjarpër deti dhe krijesë liqenore – nuk ka më dyshime se një botë e re po i hapet përpara syve, duke e kredhur jetën e tij në zemër të një aventure të panjohur lufte, dashurie, tradhtie dhe gjuetie përbindëshash.

Sekreti i Mhoragës – Shtegu i Ndaluar – është i pari nga tri volumet, që magjepsin dhe u ndalin frymën tërë lexuesve, nga adoleshentët e dashuruar pas këtij zhanri deri te njëqindvjeçarët.