Titulli: Vogëlushja e Hënës së Gjashtë, Nina dhe Fuqia e Absinthiumit, libri i gjashtë
Origjinali: Nina e il Potere dell' Absinthium
Gjinia: Roman
Autori: Moony Witcher
Shqipëroi: Albana Nexhipi
Shtëpia botuese: Pegi
Viti: 2014
Fq. 312
Pesha: 0.292 kg.
ISBN: 978-9928-175-37-3
Mbi librin
Bota është e sigurtë: Nina dhe shokët e saj e mundën Karkonin Ka të të Artëve, i cili tashmë është shndërruar në një statujë të ngurtë dhe pa jetë. Venecia është rikthyer në jetën e saj të qetë deri natën kur Nina, papritur, vë re që ylli në pëllëmbën e dorës së saj fillon të ndryshojë ngjyrë.
Është fillimi i një misioni të ri dhe të pamundur, gjatë të cilit vajza do të ndeshet jo vetëm me armiqtë e saj të betuar, por edhe me turbullimet e para tinëzare të zemrës.
Fragment nga libri
Nina u ndje e humbur. Kujtoi letrën e gjysh Mishës mbi sfidën, i cili si zakonisht e kishte vënë gishtin mbi plagë. Të sfidoje Terrin do të thoshte të vrapoje drejt qëllimit pa u përkulur. Ndjenja të ngatërruara i bashkoheshin me përgjegjësinë e mundjes së Karkonit dhe rikompozimit të vargut të artë para se Asgjëja të gëlltiste Gjithçkanë.
Sekreti i Tenuerantes duhej mbajtur. Pastaj, ishte dhe një tjetër sfidë, një tjetër sekret. Ai i Livios dhe i këmbënguljes së tij të çmendur, me dashurinë false, me joshjen dhe ligësinë që minonin çdo siguri të pastër.
Mes dashurisë dhe alkimisë, kë të zgjidhte? A ishte tërheqja që ndiente për Livion, më e rëndësishme se dashuria për Çeskun? Vogëlushja e Hënës së Gjashtë gjendej në një turbinë ndjenjash që ia thyenin forcën që i rridhte nëpër vena.